TOP
  • Home
  • Ag’eggwanga
  • Museveni avumiridde ebikolwa bya Poliisi eby'okutulugunya abantu

Museveni avumiridde ebikolwa bya Poliisi eby'okutulugunya abantu

By Kizito Musoke

Added 1st August 2016

PULEZIDENTI Museveni avumiridde ebikolwa bya poliisi eby’okutulugunya abantu, n’avumirira ne Dr. Kizza Besigye olw’okweyisa mu ngeri eteri ya buvunaanyizibwa.

Museveninali700460 703x422

Pulezidenti Museveni ng'ayogerera mu lukung'aana e Kyankwanzi

PULEZIDENTI Museveni avumiridde ebikolwa bya poliisi eby’okutulugunya abantu, n’avumirira ne Dr. Kizza Besigye olw’okweyisa mu ngeri eteri ya buvunaanyizibwa.

Bino yabyogeredde Kyankwanzi bwe yabadde aggalawo olusirika lwa baminisita, abawandiisi b’enkalakkalira awamu n’abakulembeze ba NRM ab’oku ntikko olumaze wiiki ennamba.

Museveni yagambye nti tawagira bikolwa bya poliisi kukuba bantu kibooko, kyokka n’ategeeza nti obuzibu obusinga buli ku Dr. Kizza Besigye ng’omuntu.

Yategeezezza nti y’ensonga lwaki bannabyabufuzi b’oludda oluvuganya abalala bangi tewali abakwatako. “Sinnawulira poliisi ng’erina obuzibu ku Cecilia Ogwal, DP ya Mao oba aba UPC.

Kino kyongera okukulaga nti Besigye y’alina obuzibu, tayagala kugoberera mateeka,” Museveni bwe yagambye.

N’ayongerako nti olunaku lwe bagamba poliisi lwe yakuba abantu kibooko Besigye ng’ayimbuddwa, teyali mu ggwanga era tannafuna budde kwetegereza byaliwo.

Yayongeddeko nti abantu bwe baba nga baali bakuumye emirembe, awo poliisi yali nkyamu okubakuba.

Kyokka bwe babeera nga baali bakasukira poliisi amayinja, poliisi yalina okubakolako.

Yategeezezza nti abantu bayinza okuba mu mirembe, kyokka ng’okukuηηaana kwabwe kumenya amateeka.

Pulezidenti yategeezezza nti poliisi ng’egumbulula abantu waliwo ebintu by’erina okukozesa omuli batuuni, embooko, amazzi agabalagala, amasasi ag’ebipiira n’amasasi gennyini singa babeera boonoona ebintu.

More From The Author

Emboozi z’omuwandiisi endala

Emboozi endala

Troubled 220x290

Oulanya agugumbudde abazadde abataweerera...

Omumyuka wa sipiika wa Palamenti, Jacob Oulanya agugumbudde abazadde abeesuuliddeyo ogwa nnaggamba okuweerera abaana...

Young 220x290

Abalokole batadde Gavt. ku nninga...

ABASUMBA b’abalokole batadde gavumenti ku nninga okubawa layisinsi ezibakkiriza okugatta abagole wabweru w’ekkanisa....

Kolayo 220x290

Bayisizza bajeti ya bukadde 200...

ABASUUBUZI mu Kikuubo ne Nabugabo bakungubagidde maama w’omugagga Moses Kayongo nnannnyini Mt. Zion Hotel esangibwa...

Kola 220x290

Agambibwa okubba kasooli bamukubye...

ABASERIKALE ba LDU baliko omuvubuuka gwe bakutte lubona mu lusuku ly’omutuuze ng’abba kasooli ne bamukuba amasasi...

Okutulugunya abakyala kweyongede...

Joan Nakilanda nga ono Alina emyaka 21 yafumbirwa nga alina omyeka 17 era nazala omwana we asoka neba. Oluvanyuma...