TOP
  • Home
  • Ebifuna
  • Maama yalya ssente zange we nali nsuubira ennyumba nasangawo musiri gwa muwogo

Maama yalya ssente zange we nali nsuubira ennyumba nasangawo musiri gwa muwogo

By Kizito Musoke

Added 1st August 2016

GILBERT Kayondo ow’e Buloba Kasero agamba nti taliddamu kwesiga muntu yenna k’abe wa luganda oba mukwano gwe.

253057houses 703x422

GILBERT Kayondo ow’e Buloba Kasero agamba nti taliddamu kwesiga muntu yenna k’abe wa luganda oba mukwano gwe.

 ‘‘Namala emyaka musanvu ku kyeyo e Dubai nga nkola kiro na misana. Bwe nnawezaawo ssente, nakomawo e Uganda mu 2012 ne ngula poloti e Bunnamwaya. Oluvannyuma naddayo ne nziramu okutoba era buli ssente ze nawezangawo ng’aziweereza maama wange akwasaganye eby’okuzimba. Ssente naziyisanga mu kkampuni ya IIK esangibwa ku kizimbe kya King Fahad mu Kampala.

 Nga wayise omwaka, maama yansindikira ebifaananyi by’ennyumba eyali ebulako akatono okuggwa. Kino kyanzizaamu amaanyi ne nnyongera okupakasa n’amaanyi okugimaliriza nga n’oluusi ssente nzeewola ku mikwano gyange e Uganda ne bazimutwalira.

 Mu December wa 2013, bankebera nga ndi mulwadde nga ntandise n’okugonda ne nsalawo okudda e Uganda nga bwe nkola ebintu ebirala.

Saategeeza muntu yenna era natuukira wa muganda wange e Sseguku eyakubira maama essimu.

Ekyanneewuunyisa maama yadda mu kuyomba n’okunkambuwalira ng’abuuza lwaki nkomyewo mu kifo ky’okukola ssente.

Bwe nagezzaako okumunnyonnyola n’aggyako essimu era nagenda okutuuka awaka munnyonnyole ekinkomezzaawo nga yaddukawo ng’ate we nali nsuubira ennyumba waliwo musiri gwa muwogo ekyannyongera okugonda.

 Nga wayise omwaka gumu, maama namusonyiwa bwentyo emyaka gye namala ku kyeyo ne ginsala era nadda ku zero kati njiiya bipya.

More From The Author

Emboozi z’omuwandiisi endala

Emboozi endala

Mag1 220x290

Omubaka wa Igara West Rafael Magyezi...

Omubaka wa Igara West Rafael Magyezi eyaleeta ekiteeso ky'okuggya ekkomo ku myaka gya Pulezidenti aweereddwa obwa...

Bra1 220x290

Biibino bye wasubiddwa mu mpaka...

Biibino bye wasubiddwa mu mpaka z'emisono

Ritahpenny1 220x290

Akabaga k’amazaalibwa ga Ritah...

Ritah Penny bamukoledde akabaga k'amazaalibwa akamucamudde.

Lytobosswife4 220x290

Mukyala wa Lyto Boss asulirira...

Omuyimbi Lyto Boss yeesunga 'ssukaali' mukyala we asulirira kuzaala

Hazard333 220x290

Hazard asuubizza aba Chelsea

Hazard agamba nti bw'aliba avudde mu Real Madrid, ayinza okuddayo mu Chelsea.