TOP

Yeefudde omuserikale wa Poliisi n'afera omugagga

By Musasi wa Bukedde

Added 4th August 2016

POLIISI y’e Iganga ekutte abavubuka ababadde agezaako okufera omugagga nga yeefudde omuserikale wa poliisi.

Saba 703x422

Batambuze nga yakakwatibwa poliisi.

POLIISI y’e Iganga ekutte abavubuka ababadde agezaako okufera omugagga nga yeefudde omuserikale wa poliisi.

Micheal Batambuze 27, ne banne okukwatibwa kiddiridde Haji. Muhamod Magumba okwekubira enduulu ku poliisi ng’agisaba emutaase ku muserikale waayo abadde amuyigga ng’agamba nti ayagala kumusiba olw’omwana w’omutuuze eyagwa mu kidiba kye n’afi iramu.

Poliisi yakoze okunoonyereza n’ekwata Batambuze n’emutwala ku kidiba mw’agamba nti omwana mwe yafiira mu Nabidogah Zooni mu kibuga ky’e Iganga era nga poloti kwe kiri omugagga we yasooka okusula.

Batambuze olwatuuse ku kidiba yeegaanyi ebyayogeddwa omugagga nti abadde amukubira nga yeefuula omuserikale wa poliisi n’agamba nti omwana gw’amanyi yagwa mu kidiba mu biseera by’ekisiibo kyokka nga n’ekidiba kye yaggwamu tekyali kya mugagga.

Wabula Haji Mugumba yagambye nti aludde nga waliwo omuntu amunoonya olw’omwana eyafi ira mu kidiba kye.

Yagambye nti Batambuze yagenda ku ssomero lya Haji Magumba erya Abuhuriara Islamic Centre n’abuuza akulira essomero amulagirire nnannyini ssomero gy’ali era n’abaako we yawandiika amannya ge kyokka bwe baamukutte ng’amannya ge tegafaanana na ge yawandiika mu kitabo.

Omwogezi wa poliisi mu Busoga East, James Mubi yagambye nti Batambuze yakwatiddwa ne banne abalala babiri nga bagenda ku ssomero lya Haji Magumba era bwe baabuuziddwa ne bategeeza nga bwe bali abaserikale okuva ku poliisi y’e Iganga nga baabadde banoonyereza ku nnannyini ssomero.

Yagambye nti Batambuze tabeerangako muserikale wa poliisi. Baamuguddeko omusango gw’okweyita kyatali.

More From The Author

Emboozi z’omuwandiisi endala

Emboozi endala

Kib11 220x290

Ba Kansala ku district e Kiboga...

Ba Kansala ku district e Kiboga bakubye ebituli mu budget ya District

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono