TOP
  • Home
  • Diaspora
  • Munnayuganda e Japan adduukiridde gwe batemyeko omukono

Munnayuganda e Japan adduukiridde gwe batemyeko omukono

By Musasi wa Bukedde

Added 20th August 2016

MUNNAYUGANDA abeera e Japan adduukiridde Judith Nakacwa bba gwe yatemyeko omukono ogwa kkono.

More1 703x422

Omukozi wa Bukedde Florence Tumupende ( ku kkono) ng’akwasa Nakacwa ssente.

MUNNAYUGANDA abeera e Japan adduukiridde Judith Nakacwa bba gwe yatemyeko omukono ogwa kkono.

Nakacwa yasiibuddwa mu ddwaaliro wabula omukono gwe baali bazzizzaako oluvannyuma abasawo baasazeewo okuguggyako oluvannyuma lw’okukizuula nti emisuwa gyafiira ddala tegukyasobola kukwatagana na kitundu we baagutemera.

Oluvannyuma lw’emboozi ya Nakacwa okufulumira mu Bukedde, Munnayuganda Vincent Kawanga Ssemwogerere abeera e Japan yamuweerezza 100,000/= zimuyambeko ku bujjanjabi era ne zimukwasibwa omusasi wa Bukedde Florence Tumupende ku Lwokubiri.

Nakacwa yasiimye Ssemwogerere olw’omutima omuyambi era n’asaba ne Bannayuganda abalala okumulabirako bamuyambe kubanga takyasobola kwekolera mirimu gye mwe yaggyanga ensimbi nga bba Siraje Kyeyune tannamutema mukono omwezi oguwedde.

Yeebazizza n’abantu bonna abamudduukiridde omuli n’abasindise ssente ku Mobile Money wamu n’ababadde bazimutwalira obutereevu mu ddwaaliro e Lwengo gy’abadde ajjanjabirwa. Nakacwa yali musomesa era alina essuubi nti bw’anaawona bakamabe bayinza okukkiriza okumuzza ku mulimu.

Kyokka yakukkulumidde poliisi gye yagambye nti tekoze kimala kuyigga Kyeyune avunaanibwe.

Nakacwa yagambye nti Kyeyune yali ayagala kumutema nsingo wabula n’assaayo omukono era gwe yatema ne gugwa wali. Nti yamutema amulumiriza bwenzi ate nga tebyali bituufu.

Yagambye nti kati yeewogomye wa mukwano gwe kubanga ewuwe atyayo kuba omusajja ayinza okujja n’amutta kubanga ebigendererwa bye bya kukakasa nti Nakacwa afa era essaawa yonna ayagala kukituukiriza.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...