TOP
  • Home
  • Amawulire
  • Ab'ettima balumbye abafumbo mu nnimiro emisana ttuku ne babatta ng'abaana baabwe balaba

Ab'ettima balumbye abafumbo mu nnimiro emisana ttuku ne babatta ng'abaana baabwe balaba

By Luke Kagiri

Added 25th September 2016

Abatuuze mu disitulikiti y’e Mityana baguddemu ekikangabwa, abantu ab’ettima bwe balumbye abafumbo ne basalaasala n’ebiso ne babattirawo emisana ttuku!.

Ttemu 703x422

Abantu nga batunuulira emirambo gy'abafumbo mu ntiisa. EBIFAANANYI BYA LUKE KAGIRI

Bya Luke Kagiri

Abatuuze mu disitulikiti y’e Mityana baguddemu ekikangabwa, abantu ab’ettima  bwe balumbye abafumbo ne basalaasala n’ebiso ne babattirawo emisana ttuku!.

Abafumbo abattidwa ye; Ezekia Nangoma ne bba George Kabali 48, abatuuze ku kyalo Mutetema mu ggombolola y’e Kalangaalo mu disitulikiti y’e Mityana.

Yadde babadde babeera Mutetema kyokka n’e Kabowa – Kampala babadde balinayo amaka.

Kigambibwa nti abagenzi babadde n’enkaayana z’ettaka nga bo be babadde bannannyini ttaka kyokka nga waliwo abasenze bwe bagugulana n’okukaayanira ettaka lino.

Abazigu okulumba abafumbo bano baabasanze mu nnimiro n’abaana baabwe bataano ne babatta nga n’abaana baabwe balaba era n’omu baana yafunye ekisago mu kanyoolagano ng’agezaako okutaasa bazadde be.

Emirambo gy’abagenzi Poliisi yagitadde ku kabangali yaayo ne gitwalibwa mu ggwanika ly’eddwaaliro ly’e Mityana okwekebejjebwa n’oluvannyuma ne giddizibwa abooluganda okukola ku by’okuziika.

baana babagenzi nga bali mu kiyongobero Abaana b'abagenzi nga bali mu kiyongobero

 

Omwogezi wa poliisi mu Wamala Region, Nobert Ochom yalabudde abantu abalina enkaayana z’ettaka okukozesa ekitongole kya poliisi eky’ebyettaka okulaba ng’ensonga zigonjoolwa mu mateeka so ssi kutwalira mateeka mu ngalo.

Abatuuze baalajanide Gavumenti okwongera okulwanyisa abeesenza ku ttaka okutangira ettemu mu kitundu kyabwe kuba lifuuse baana baliwo!

Enkayana ze ttaka zirudde nga zibonyabonya abantu be Mityana ne Mubende nga bangi basenguddwa aate abalala basula ku tebukye.


Omwezi oguwedde, omubaka omukyala owa palamenti owa Mityana Judith Nabakooba ne ssentebe Joseph Luzige batandika okutalaaga disitulikiti nga banonyereza ku buli nkayana naye babadde tebanatuuka Kalangaalo.


Bano batabndikira mu gombolola ye Kikandwa, bagenda e Maanyi ne Kakindu.

 

More From The Author

Emboozi z’omuwandiisi endala

Emboozi endala

Mag1 220x290

Omubaka wa Igara West Rafael Magyezi...

Omubaka wa Igara West Rafael Magyezi eyaleeta ekiteeso ky'okuggya ekkomo ku myaka gya Pulezidenti aweereddwa obwa...

Bra1 220x290

Biibino bye wasubiddwa mu mpaka...

Biibino bye wasubiddwa mu mpaka z'emisono

Ritahpenny1 220x290

Akabaga k’amazaalibwa ga Ritah...

Ritah Penny bamukoledde akabaga k'amazaalibwa akamucamudde.

Lytobosswife4 220x290

Mukyala wa Lyto Boss asulirira...

Omuyimbi Lyto Boss yeesunga 'ssukaali' mukyala we asulirira kuzaala

Hazard333 220x290

Hazard asuubizza aba Chelsea

Hazard agamba nti bw'aliba avudde mu Real Madrid, ayinza okuddayo mu Chelsea.