TOP
  • Home
  • Agawano
  • Minisita Nakiwala agugumbudde abakola ku kuwola abavubuka ssente

Minisita Nakiwala agugumbudde abakola ku kuwola abavubuka ssente

By Paddy Bukenya

Added 3rd October 2016

MINISITA w’abavubuka n’abaana, Florence Nakiwala Kiyingi agugumbudde abakola ku kuwola abavubuka olw’okulwawo okubawa ssente n’abawa ekiragiro kya butasukka wiiki nga bazibawadde.

Malawo1 703x422

Abavubuka nga bayaniriza minisita Kiyingi (ku kkono).

MINISITA w’abavubuka n’abaana, Florence Nakiwala Kiyingi agugumbudde abakola ku kuwola abavubuka olw’okulwawo okubawa ssente n’abawa ekiragiro kya butasukka wiiki nga bazibawadde.

Nakiwala okutabukira abakola ku kuwola abavubuka ku mutendera gw’eggombolola, kiddiridde abakulembeze b’abavubuka e Mpigi okwemulugunya ku mitendera egiyitibwamu okwewola ssente zaabwe eza ‘Youth Livelihood’ nga bagamba nti babakandaaliriza ne beetamwa ne bazivaako.

Nakiwala abalagidde okukola ku bavubuka mu wiiki emu okuva lwe baba bataddeyo okusaba kwabwe.

Avumiridde n’abavubuka abasaba ssente zino nga bayita mu kwekalakaasa nti tekiraga bugunjufu n’abasaba bakikomye.

Yabyogeredde ku mukolo gw’okukuza olunaku lw’abavubuka b’e Mpigi ogwabadde e Nkozi ku kisaawe.

Yasabye abakulembeze b’abavubuka okubeera ekyokulabirako eri bannaabwe nga beenyigira mu nkulaakulana nga okulunda, okulima ne SACCO gavumenti esobole okubakwatirako.

Yasoose kuggulawo ofiisi y’abavubuka ku kitebe kya disitulikiti we bagenda okukakkalabiza emirimu era ne yeeyama okugiteekamu ebikozesebwa byonna n’okugibeerangamu buli nga 30 buli mwezi.

Amyuka omubaka wa Gavumenti e Mpigi, Lillian Nakaweesi yagambye nti abavubuka be balina okunnyikiza enkola ya Pulezidenti eya “Kisanja akuna mucheezo” nga beenyigira mu nteekateeka za gavumenti n’okuzirondoola.

Eraso akola ku nteekateeka z’okugaba ssente z’abavubuka e Mpigi, yagambye nti omwaka guno tewali kibiina kyafunye ssente mu nteekateeka y’abavubuka ng’ate balina ensimbi ezisoba mu bukadde 400 ez’okugaba naye tebannazisaba.

N’agattako nti balina obuzibu bw’entambula nga balondoola ebibiina by’abavubuka n’asaba mininsita okubafunira emmotoka.

Kyokka yennyamidde ku bavubuka abaalya ssente zino nga baziyita akasiimo era nti ku bukadde 280 ze baagaba mu mwaka ogwasooka, baakakomyawo obukadde 15 bwokka!

Omubaka wa Mawokota South, John Bosco Lubyayi yagambye nti ekizibu ekisinga mu kitundu kye ky’abawala okufuna embuto nga bato n’asaba abazadde n’abakulembeze okubeera abasaale mu kulwanyisa ekizibu kino.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...