TOP
  • Home
  • Amawulire
  • Beeyamye okukwasiza ku Gavt. okulwanyisa enjala mu ggwanga

Beeyamye okukwasiza ku Gavt. okulwanyisa enjala mu ggwanga

By Herbert Musoke

Added 16th December 2016

Aba Grain Council basuubizza okukolagana ne Gavumenti okulwanyisa enjala ekudde ejjembe naddala mu byalo

Grain2 703x422

Chris Kaijuka owa Uganda Grain Council ng'annyonnyola egeri gye bagenda okukolagana ne gavumenti. EKIF: HERBERT MUSOKE

EKITONGOLE ekivunaanyizibwa ku mmere y'empeke mu Uganda kisuubizza okwongera okunyweeza enkolagana ne gavumenti okuyita mu minisitule y'obusuubuzi, amakolero n'obwegassi okulaba nga kiyambako okulwanyisa enjagala eyolekeedde eggwanga olw'ekyeeya ekiremesezza emmere okukula obulungi.

Bw'abadde ayogerera mu lukung'aana lwa bannamawaulire ku kitebe ky'ekitongole kya The Grain Council of Uganda e Bukoto, Chris Kaijuka omu ku bakulira ekitongole agambye nti wadde wabaddewo ekyeya n'emmere n'etakula bulungi, bbo balina emmere kubanga bakolagana n'abalimi wamu n'abasuubuzi era singa bakwatagana obulungi ne gavumenti basobola okuyamba abantu ba bulijjo.

Akulira enkola y'okutereka ebirime mu sitoowa za Gavumenti (Uganda Warehouse Receipt system Authority) Deborah Kyarasiime, agambye nti gavumenti ng'eyita mu nkola eno esobola okuyamba abantu bonna.

Kyarasiime agamba nti waakubeerawo olukung'aana lw'abantu abalina emirimu egy'enjawulo gye bakola ku mmere y'empeke okutandikira ku balimi okutuuka ku basuubuzi n'abaliko bye bakolamu n'abatunda bye bakozesa olusookedde ddala mu Uganda ng'abanaalwetabamu bagenda kukubaganya ebirowooza ku ngeri y'okutumbula emmere eno. Olukung'aana lwa kubumbujjira ku Serena International Conference Center mu Kampala okumala ennaku bbiri.

More From The Author

Emboozi z’omuwandiisi endala

Emboozi endala

Sev3 220x290

Museveni agguddewo olusirika lwa...

Museveni agguddewo olusirika lwa NRM

Kab2 220x290

Ababadde bazze okupima ettaka emmotoka...

Ababadde bazze okupima ettaka emmotoka yaabwe bagikumyeko omuliro

Lab2 220x290

Kirya yeesozze "quarter" za Uganda...

Kirya yeesozze "quarter" za Uganda Cup n'okontola

Pop1 220x290

Okusunsula abayizi abagenda mu...

Okusunsula abayizi abagenda mu S5 kuwedde

Lop2 220x290

Ababbi balumbye ebyalo abatuuze...

Ababbi balumbye ebyalo abatuuze ne battako omu