TOP
  • Home
  • Amawulire
  • Omu ku balongo abasinga obukadde mu Uganda aziikiddwa

Omu ku balongo abasinga obukadde mu Uganda aziikiddwa

By Joseph Makumbi

Added 2nd January 2017

"MAAMA yafudde ayogera ku ssimu ng’akubira abaana be bonna, eddoboozi teryakyuseemu wadde okutuusa lwe yasirise", Mady Kayaga muwala wa Lovinsa Babirye eyawangula ekirabo ky’abalongo abasinga obukadde mu ntujjo y’abalongo eyategekebwa Vision Group bwe yategeezezza.

Balongo1 703x422

Nakato (ku ddyo) ne Babirye eyafudde

Bya Joseph Makumbi

"MAAMA yafudde ayogera ku ssimu ng’akubira abaana be bonna, eddoboozi teryakyuseemu wadde okutuusa lwe yasirise", Mady Kayaga muwala wa Lovinsa Babirye eyawangula ekirabo ky’abalongo abasinga obukadde mu ntujjo y’abalongo eyategekebwa Vision Group bwe yategeezezza.

Yagambye nti, yamukubidde essimu n’amuyita agende abeere naye mu makage e Baamunaanika n'amutegeeza nti yabadde mulwaddelwadde wabula n’amulemerako nti agende bamujjanjabire mu kyalo.

“Maama yakubidde buli mwana n'ayogera okutuusa lwe yasirise, ate ennaku eziyise abadde agabira abaana n'abazzukulu ebintu ng’abagamba nti bino bya gundi waliwo n’engoye ze yateeka mu kisero n’abagamba nti zino za Carol muzukkulu we.” Kayaga bwe yagambye.

Yagasseeko nti nnyina bwe yamukubidde essimu n’amulemerako agende mu kyalo, yafunye emmotoka wabula yagenze okutuuka nga omukadde yafudde dda.

“Maama yafiiridde waka yali yagaana okumutwala mu ddwaaliro ng’agamba nti tulindeko ennaku enkulu ziggwe wabula bwe zaawedde ate yatugenzeeko bugenzi.” Kayaga bwe yagambye.

Carol Nakiwu muzzukulu wa Babirye yagambye nti, jjajjaawe abadde atawaanyizibwa puleesa ne ssukaali era bwe bwamuviiriddeko omutima okwesiba n’akutuka ku ssaawa 6:15 ez’emisana.

Babirye afiiridde ku myaka 85 era agenda yaziikiddwa e Baamunaanika mu Luweero.

Kayaga yagambye nti beeraliikirivu ku Nakato asigaddewo era baamuganyi okulaba ku mulambo gwa Babirye kubanga tebamanyi kiki kiyinza kumutuukako.

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo