TOP
  • Home
  • Agawano
  • 'Omuyindi yantigaatiga mu mbugo n'ankolako eby'ensonyi'

'Omuyindi yantigaatiga mu mbugo n'ankolako eby'ensonyi'

By Musasi wa Bukedde

Added 14th January 2017

Bashir Lobo yabadde alina okulabikako mu kkooti e Nakawa mu maaso g'omulamuzi w'eddaala erisooka e Nakawa, Carol Byakutagha Kabugo okuwulira omusango gw'okukabasanya Allen Nakityo.

Tolis 703x422

Nakityo. Ku ddyo ye Lobo

OMUYINDI akulira ettabi ly'essundiro ly'amafuta erya Shell ku Jinja Road okumpi ne Kitgum House talabiseeko mu kkooti okwewozaako ku musango ogumuvunaanibwa okukabasanya omukozi we.

Bashir Lobo yabadde alina okulabikako mu kkooti e Nakawa mu maaso g'omulamuzi w'eddaala erisooka e Nakawa, Carol Byakutagha Kabugo okuwulira omusango gw'okukabasanya Allen Nakityo.

Nakityo ng'ayita mu looya we Ambrose Tebyasa yawawaabira Bashir Lobo nti yamukabasanya mu 2014 nga kino yakikolera mu ofiisi ye esangibwa ku ssundiro ly'amafuta lino oluvannyuma lw'okumuyitanga buli kiseera mu ofiisi ye.

Nakityo alina akatambi ke yakwata nga Lobo amutigaatiga era kagenda kweyambisibwa ng'obujulizi.

Ategeeza nti, olw'ekikolwa kino yamuggulako omusango ku poliisi ya SIU e Kireka ne bamuggulako omusango ku fayiro nnamba 13/06/11/2015.

Oluvannyuma baategeeragana ne Lobo amuliyirire obukadde 20 kyokka baamuwaako 5,000,000/- mu kubanja ezaasigalayo baamuggulako omusango gw'okubulankanya ebintu bya kkampuni ya Shell.

Nakityo agamba nti oluvannyuma lw'okukabasanyizibwa obulamu bwe bwakyuka era ne bba yamulekawo.

Ayagala aliyirirwe

Looya wa Lobo, Richard Rwabogo agamba nti, Nakityo omusango guno yandigututte mu kkooti ya misango gya bibonerezo okusinziira ku mpaaba gye yasooka okukola okusinga okugutwala mu kkooti y'emisango gy'engassi era kkooti egugobe.

Kyokka ne looya wa Nakityo, Ambrose Tebyasa agamba nti tewali tteeka ligaana kufuula musango guno ogw'engassi.

Omulamuzi Byakutagha yategeezezza nti, waakusa ensala ye ku nsonga eno.

 

More From The Author

Emboozi z’omuwandiisi endala

Emboozi endala

Grav 220x290

Mujje mbalage ekitone ly’okuyimba...

Oluvannyuma lw’emyezi ebiri ng’ali mu kutendekebwa okwa kasammeme n'okugoggola eddoboozi, Gravity Omutujju ayise...

Uni 220x290

BUKEDDE W’OLWOKUNA AKULEETEDDE...

Bobi Wine olusimbudde okuva mu Amerika, abawagizi be ne batandikirawo okujeemera poliisi. Amagye gakutte owa Flying...

Banyarwanda2 220x290

Abanyarwanda basabye Kabaka ettaka,...

ABANYARWANDA ababeera mu Uganda basabye Kabaka asiime abawe ettaka Ssekabaka Muteesa II lyeyali abawadde e Kibuye...

Fortunessentamu2 220x290

Abagwira 6 bakuvuganya ne Bannayuganda...

Laawundi y'empaka za ddigi eyoomukaaga ku kalenda ya Uganda yakwetabwaamu abagwira 6.

Courtgavelscales1024683 220x290

Kkooti zonna zaakujjukira Benedicto...

Mu 1972 abajaasi ba Amin baalumba Benedicto Kiwanuka mu ofiisi ye ku Kkooti Enkulu ne bamuwalawala mu kifo ekitaategeerekeka...