TOP

Eddwaliro ly'e Kitebi liri "bubi"

By Vivien Nakitende

Added 27th February 2017

ABASAWO n'abalwadde mu ddwaaliro e Kitebi bakaaba lwa ddwaaliro butaba na ddagala wamu n'ebikozesebwa, ekireetera emirimu okutambula akasoobo.

Katokitebi 703x422

Omubaka Kato Lubwama ngayogerako eri abalwadde ku ddwaliroe Kitebi. Abamuddiridde bakansala.

 Bya VIVIEN NAKITENDE

ABASAWO n'abalwadde mu ddwaaliro e Kitebi bakaaba lwa ddwaaliro butaba na ddagala wamu n'ebikozesebwa,  ekireetera emirimu okutambula akasoobo.  

Bino baabittottoledde abakulembeze mu  munisipaali y'e Lubaga okubadde;  Rose Mary Kigozi omubaka omukyala ow'omuluka gw'e Mutundwe, Juma Lubega kansala w'omluka gwa Kabowa I, Musa Lusembo kansala wa Ndeeba, baabadde bakulembeddwa omubaka wa palamenti owa  Lubaga South , Paul Kato Lubwama,  bwe bagenzeeyo okulambula eddwaaliro okulaba embeera y'abalwadde , n'abasawo mwebakolera.  

Eno abalwadde n'abasawo baloopedde abakulembeze ebizibu ebiri mu ddwaaliro lino omuli; abasawo okutuuka ekikeerezi ku mulimu ne babalwisa, obutebe okutuulibwa abalwadde okubeera obutono ennyo abamu batuula wansi, ebitanda by'abakyala abazadde bitono nnyo biri 16 ate ng'abazaala olunaku tebakka wansi wa 30,  sikaani oba ka TV babasasuza ssente, eddagala ly'abalwadde ba kawuka ka siriimu lyabuze, abalwadde bangi nnyo ate nga webabakolerako watono tewabamala,  abasawo batono mu ddwaaliro, tewali genereeta  eyambako ng'amasannyalaze gavuddeko naddala mu waadi y'abakyala abazadde,  abasawo balina batono ddala ate abalwadde bangi nnyo, abalwadde okubba eddagala,  abasawo obutaba na mayumba kumpi na ddwaaliro, abakozi obutafiibwako nga bafunidde obuzibu ku mulimu n'ebirala.

Musawo Irene Nabukwasi, akulira eddwaaliro ly'e Kitebi ategeezezza nti; kituufu eddagala mu ddwaaliro  tewali,  naye nga kino kiva ku bajeti yaffe etuweebwa okubeera entono ennyo, ffe tubabalira omuwendo n'eddagala lyetwetaaga mu ddwaaliro, naye nebatuwa eddagala lya bukadde mukaaga bwokka mu kwota y'omwaka.

Lino bwetulifuna liggwawo mu wiiki emu oba bbiri ezisooka,  olwo ebbanga erisigadde ery'emyezi esatu  tetubeera na ddagala, abalwadde tubakebera netubawandiikira buwandiikizi ddagala, naye nga naffe ssi kwagala kwaffe wabula tetulina kya kukola.

 Ate abalwadde nabo beenyigira mu kubba eddagala nga balinona emirundi egisukka mu gumu mu ddwaaliro ne balitunda.

Omubaka wa palamenti owa Lubaga South Paul Kato Lubwama agambye nti;  tetunenya basawo olw'embeera eriwo,  kubanga tukizudde nti bageti  yaabwe ntono nnyo, bakola ku bantu Bangi okuva mu bitundu eby'enjawulo ssi Kitebi yokka,  wabula Kampala yenna n'abamu bava e Wakiso.

 Ngenda kufuba okuleeta ebiteeso tulabe nga bageti yaabwe eyongera okulinnya waakiri  etuuke ku bukadde 30 bwebagamba oba okusingawo buli kwota y'omwaka.

Tugenda kwogera n'abantu abali mu kitundu nga beesobola,  baveeyo nabo bayambeko ku bimu.  

Abakulembeze abalala nabo beeyamye okubaako kyebakola mu biti byabwe okuyambako mu bujjanjabi  bw'e Kitundu.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...