TOP

Nakawere bamusobezzaako ne bamusogga ebiso mu mbugo: Ataawa

By Musasi wa Bukedde

Added 10th March 2017

“Basoose kumpisamu mpi n’oluvanyuma ne bansitula ne bantwala mu kikuubo olwo ne batandiika okunkozessa omu kwomu”, Asiimwe bwategeezezza.

Asiimwe1 703x422

Asiimwe mu ddwaliro

Bya Tonny Tumbya

ABAVUBUKA ab’ettima babiri abatannamanyika mannya bakkakkanye ku nnakawere ne bamusobyako oluvanyuma ne bamufumita ebiso ku mutwe ne mu mbugo.

Obulumbaganyi buno bubaddde kumpi ne Hotel Continental mu kibuga kya Iganga mu kiro ekikeesezza leero ku Lwokutaano.

Bino okubaawo kyaddiridde Hadijja Asiimwe, 30 omutuuze w'e Kaliro Road ng'asiika bya kulya mu kibuga okugwa ku kibambulira kino.

Asiimwe gwetusanze mu ddwaliro ng'ali mu mbeera mbi atubuulidde nga bw'akyali nnakawere.

“Baasoose kumpisaamu mpi oluvanyuma ne bansitula ne bantwala mu kikuubo olwo ne batandika okunkozessa kirindi,” Asiimwe bw'ategeezezza.

Ayongeddeko nti oluvannyuma baakutte akaso ke yabadde nako mu bbaafu ne bamusaalasala mu bulago ne mu mbugo ng'eno nwe bamukanda okubawa ssente z’ava okukola, ekintu kye yagondedde n'abawa emitwalo 50,000 gye yabadde nagyo.

Bakira Asiimwe anyumya bino nga yenna bw'attulukuka amaziga nga naawe gw'anyumiza tolema kukaaba! Ttima nnabaki lino!!!

Ayongerako nti  teyazzeemu kuddamu kumanya biri ku nsi era enkuba eyatonnye ekiro yonna yamuggweereddeko kuba abazirakisa okutuusa ku makya abazirakisa lwe bamulabye ne bamutwala mu ddwaaliro ly'e Nakavule okufuna obujjanjabi.

Ono asabye Poliisi ekole okunoonyereza ku nsonga abaamukozeeko effujjo lino bakwatibwe bavunaanibwe.

Omwogezi wa Poliisi mu bitundu bya Busoga East, James Mubi agaanye okubaako ky'ayogera ku nsonga eno kuba tewali muntu yenna y'agenzeeko ku Poliisi kuwaaba ku nsonga eno.

More From The Author

Emboozi z’omuwandiisi endala

Emboozi endala

Leb2 220x290

Emmotoka mwe ntambulira etuuse...

Emmotoka mwe ntambulira etuuse okunsuza ku kkuno-Bp. Ssebaggala

Pop1 220x290

Aba Poliisi ababadde bavunaanibwa...

Aba Poliisi ababadde bavunaanibwa okutta Kirumira bateereddwa

Pi3 220x290

Apass ajereze Kenzo ne Fik Fameica....

Apass ne Eddy Kenzo bawakana ani asinga okwesala emisono wabaluseewo olutalo lw'ebigambo

Sev2 220x290

Pulezidenti asisinkanye abagagga...

Pulezidenti asisinkanye abagagga abalwanira ebizimbe mu Kampala

Muh1 220x290

Abasuubuzi basattira olw’obukwakkulizo...

Abasuubuzi basattira olw’obukwakkulizo Muhangi bw’abataddeko