TOP
  • Home
  • Ageggwanga
  • Bannayuganda ababeera ebweru bawewuddwa ku kufuna obutuuze bw'emirundi ebiri

Bannayuganda ababeera ebweru bawewuddwa ku kufuna obutuuze bw'emirundi ebiri

By Musasi wa Bukedde

Added 28th March 2017

BANNAYUGANDA abali mu mawanga g’ebweru bagonzeddwaamu mu ngeri y’okufuna obutuuze bw’amawanga abiri obwa Uganda n’ensi gye babeera.

Twala1 703x422

Okuva ku ddyo, Ambaasada Wonekha, abakungu; Wandire ne Muky. Kiremerwa

Bino byatuukiddwaako mu musomo ogwayogereddwamu abakungu ba Gavumenti ya Uganda okuva mu Minisitule y’Ebyettaka n’ey’Ensonga z’omunda, ogwategekeddwa mu kibuga Washington DC  ekya America ku Lwomukaaga nga 25/03/2017.

Omusomo gwakubiriziddwa omukungu wa Gavumenti, Muky. Florence Kiremerwa, omuwabuzi wa Pulezidenti Museveni ku nsonga za Bannayuganda ababeera mu mawanga g'ebweru.

Mu bikulu ebyatuukiddwaako mwe muli eky'okuba nti kati Bannayuganda ebweru tekikyabeetaagisa kusooka kudda wano kuyita mu buwonvu na bugga ku nsonga z'obutuuze obw'emirundi ebiri.

 Abamu ku beetabye mu musomo nga beewandiisa okufuna satifikeeti y'obutuuze bw'amawanga abiri

Kati Bannayuganda abaagala okufuna obutuuze obw’emirundi ebiri basasula ddoola 400 eza Uganda 1,442,000/- ne bafuna ekiwandiiko mu lunaku olwo, teri kuddamu kutegana nga bwe gubadde emabega.

Beeyambisizza embeera eno okufunira bakazi baabwe n’abaana satifikeeti z’obutuuze bw’emirundi ebiri, okuzza obuggya paasipooti zaabwe,okusaba viiza, n’ebintu ebitala ebyekuusa ku nsonga ezo.

Mu lukung'aana lwe lumu, baasomeseddwa ku ngeri y’okugulamu ettaka n’amayumba wano mu Uganda n’engeri y’okwemulugunyaamu mu mateeka singa baba ‘’bayisiddwaawo’’ ab’enganda n’emikwano gyabwe abasigala wano.

 bamu ku annayuganda abeewandiisizza nga balaga satifikeeti ze baafunye Abamu ku Bannayuganda abeewandiisizza nga balaga satifikeeti z'obutuuze bw'amawanga abiri (dual citizenship) ze baafunye

 

 

Baasomeseddwa ku ngeri y’okwekenneenyaamu ebyapa byabwe okuzuula nga bituufu era ne basuubizibwa nti ebizibu byabwe ebikwata ku kwemulugunya naddala ku nsonga z’ettaka kujja kukolwangako mu bwangu.

Bannayuganda baasiimye Gavumenti okusindika ekibinja kino era ne basaba enkola eno esigale ey'obwasseruganda esigale ng'egenda maaso.

More From The Author

Emboozi z’omuwandiisi endala

Emboozi endala

Archbishopwilberforcekityoluwalirathenamirembedioceseheadrehabilitationmarathonrun2017willbeheldatthenamirembecathderalgroundsonapril2920171 220x290

Bp. Luwalira yennyamidde ku ttemu...

OMULABIRIZI ‘e Namirembe Rt. Rev. Wilberforce Kityo Luwalira awadde obubaka bw’amazuukira n’alaga okwennyamira...

Kig7 220x290

Omugagga Ham azzeemu ebibuuzo 20...

Omugagga Ham azzeemu ebibuuzo 20 ku katabo ke n'obulamu bwe.

Abamukubakulembezebekasawoababaddebeetabyemulukungaanaluno 220x290

Ab'e Kasawo bakukkuluma olw'ababasaba...

“Twetaaga okumanya ekituufu ku nsonga z’okwewandiisa oba nga ssente ziteekeddwa okusasulwa tusabe obuyambi okuva...

Kabuta2 220x290

‘Temwongeza bbeeyi ya nnyama ku...

Abatemi b'ennyama abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya...

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.