TOP

Seminti w’Omuzikiti omubbe amukwasizza

By Musasi wa Bukedde

Added 20th April 2017

Kigambibwa nti Lubega, yasoose kulimbalimba omukuumi wa sitoowa y’Omuzikiti n’amugamba nti bagendeko mu firimu ku Paasika akawungeezi oluvunnyuma n’amulekayo n’adda ku sitoowa ne batikka seminti ne bamutwala e Kazo mu Angola mu Munisipaali y’e Kawempe.

Najjuma1 703x422

Najjuma nga bamutwala n’emu ku nsawo 46 ezaakwatiddwa ewuwe.

Bya REGINAH NALUNGA  NE WASSWA B SSENTONGO

POLIISI e Matugga ekutte omukazi agambibwa okubba ensawo za seminti 46 okuva ku Muzikiti gwa Masgid Juma e Migadde.

Nuru Najjuma 42 omutuuze w’e Kazo Angola yakwatiddwa poliisi oluvannyuma lw’okusangibwa ne seminti eyabbiddwa ku Muzikiti.

Yakwatiddwa n’abalala Muhammed Sserunjogi ne Steven Kalinda ddereeva ku siteegi e Kigoogwa.

Olukwe lw’okubba seminti lwalukiddwa Ismail Lubega omu ku bakozi ababadde bazimba ku Muzikiti guno.

Kigambibwa nti Lubega, yasoose kulimbalimba omukuumi wa sitoowa y’Omuzikiti n’amugamba nti bagendeko mu firimu ku Paasika akawungeezi oluvunnyuma n’amulekayo n’adda ku sitoowa ne batikka seminti ne bamutwala e Kazo mu Angola mu Munisipaali y’e Kawempe.

 

Muhammed Nnondo ssentebe w’Omuzikiti guno yategeezezza nti Lubega abadde mukozi waabwe ng’asomba mazzi mu kuzimba wabula era nga yeeyita Meddie Lubega.

Yagambye nti waliwo abantu abaalabye Lubega n’abantu abalala nga battika seminti ku mmotoka ekika kya loole ne batasooka kukissaako mwoyo kubanga omuvubuka ono babadde bamumanyi ng’omukozi w’oku Mumuzikiti.

Oluvannyuma omukumi yakomyewo okuva mu firimu nga sitoowa nzigule n’akizuula nti waliwo ebintu ebibbiddwa kwe kukubira ssentebe w’Omuzikiti n’amubuulira ekiriwo.

Oluvannyuma baagenze ku poliisi e Matugga ne baggulawo omusango guli ku fayiro nnamba SD;15/17/04/2017.

Omuvubuka ono abadde agenda kumpebuula mu bantu benkulembera bampite omuyaaye kubanga sseminti ono ssente zaabwe ze basonda buli omu mu busobozi bwe" Nnondo bwe yategeezezza.
 
Poliisi ng'eyambibwako ba mbega yakutte ddereeva eyavuze sseminti okutuuka kgye bamukwese ewa Najjuma mu Kazo Angola.
 
Ebizibiti byasangiddwayo Najjuma nagamba nti sseminti abadde wa ddiiru nga tebamuseera era buli nsdawo yagiguze 20,000/
 
Ye ddereeva Kalinda yagambye nti bamupangisizza nga tamanyi nti ebintu bibbe era yakoledde emitwalo 7.

More From The Author

Emboozi z’omuwandiisi endala

Emboozi endala

Kazi 220x290

Eyandesa omulimu ansuddewo

NZE Mediatrice Kubwimana 28, nzaalibwa Burundi naye nga mbeera Namugongo Zooni II. Mu 2011, nafuna omulimu gw’obwayaaya...

Civil 220x290

Omukazi atagambwako yali antamizza...

ENNAKU gye ndabidde mu nsonga z’omukwano mpitirivu era nabulako katono okugwenenya.

Funa 220x290

Eyantwala ku yunivasite yanzitattana...

NZE Jennifer Alwoch 26, mbeera ku kyalo, Adyel mu Lira. Bazadde bange bampeererako okutuuka mu S6 naye ssente ezinyongerayo...

Ssenga1 220x290

Lwaki mpulira sirina maanyi ga...

SSENGA mpulira nga sirina bulungi maanyi ga kisajja. Naye bwe neegatta amaanyi ngafuna bulungi naye ndowooza nti...

Ssenga1 220x290

Ensundo ya muganzi wange entiisa...

SSENGA nnina omuwala gwe njagala naye alina ensundo empanvu ku kisambi. Mugamba agende mu ddwaaliro agamba nti...