TOP

Basabye akaduukulu k’e Nalufenya kaggalwe

By Musasi wa Bukedde

Added 24th May 2017

Basabye akaduukulu k’e Nalufenya kaggalwe

Ki3 703x422

bano. Gavumenti yakizudde nga waliwo obwetaavu bw’okwongera okutendeka abaserikale ku bukodyo bw’okuggya obujulizi mu muntu gwe baba bakutte nga tebamutulugunyizza. Wabula aba DP basabye Pulezidenti Museveni okukola kye baayise ‘okwenaazaako omusaayi’ gwa Bannayuganda abatulugunyizibwa ng’assaawo okubuuliriza n’okukangavvula abeebyokwerinda abagambibwa okutulugunya abasibe abateeberezebwa okuzza emisango. Basabye Pulezidenti aveeyo mu bulambulukufu annyonnyole oba Gavumenti yava ku nkola y’okutulugunya abantu eyakolebwanga nga bakyali mu nsiko mu buyeekera, DP gy’erumiriza nti mwalimu okusiba abantu ‘akandooya’ n’okubakolako effujjo baboogeze bye basirikidde. Baalangiridde nga bwe bagenda okukuhhaanya amannya g’ebifo yonna gye batulugunyiza abantu babiwe spiika Kadaga, kuba ebifo bingi nnyo, wadde nga mu kiseera kino eggwanga lyesibye ku Nalufenya yokka. Kamateeka

LIPOOTI y’akakiiko akaasindikibwa okubuuliriza ku kutulugunya abasibe e Nalufenya kafulumizza lipooti ne kakuba ebituli mu nzirukanya y’akaduukulu ka poliisi kano era omu ku bakatuulako n’awa amagezi kaggalwewo.

Mu lipooti y’akakiiko k’eddembe ly’obuntu eyasomeddwa ssentebe waako, Jovah Kamateeka eri Palamenti, akakiiko kaazudde nti abasibe bamala ekiseera ekisussa ennaku ebbiri mu kaduukulu nga tebatwaliddwa mu kkooti, ekimenya amateeka (abamu bamazeeyo mwezi)! Tebakkirizibwa kulaba balooya wadde ehhanda zaabwe. N’abantu ba bulijjo okugendayo si kyangu, byonna ebiraga nti si kaduukulu ka bulijjo.

Ye omuduumizi wa poliisi, Gen. Kale Kayihura teyalabiseeko mu kakiiko ka Gavumenti akalondoola eddembe ly’obuntu aka ‘Uganda Human Rights Commission’. Ebitongole ebikuumaddembe okuli poliisi, UPDF n’ebirala byabadde biyitiddwa ku kitebe ky’akakiiko e Nakasero okwogera ku kukuuma eddembe ly’obuntu. Amooti Katabalirwe ow'akakiiko kano yagambye nti ebitongole byayitiddwa okwogera ku nsonga z'okutulugunya abantu ekisusse kyokka poliisi n'etera-bikako.

Ebyo nga biri awo, nnampala w’ababaka ba NRM mu Palamenti, Ruth Nankabirwa ategeezezza nti gavumenti yaakuvunaana abaserikale baayo bonna abanaakwatibwa nga beenyigidde mu bikolwa by’okutulugunya abantu kuba eno si nkola ya Gavumenti. Yategeezezza nti waliwo abaserikale bataano abaakwatiddwa ne basimbibwa mu kkooti nga babalanga kutulugunya basibe e Nalufeenya.

Kyokka yagaanyei okwatuukiriza amannya g’abaserikale bano. Gavumenti yakizudde nga waliwo obwetaavu bw’okwongera okutendeka abaserikale ku bukodyo bw’okuggya obujulizi mu muntu gwe baba bakutte nga tebamutulugunyizza.

Wabula aba DP basabye Pulezidenti Museveni okukola kye baayise ‘okwenaazaako omusaayi’ gwa Bannayuganda abatulugunyizibwa ng’assaawo okubuuliriza n’okukangavvula abeebyokwerinda abagambibwa okutulugunya abasibe abateeberezebwa okuzza emisango.

Basabye Pulezidenti aveeyo mu bulambulukufu annyonnyole oba Gavumenti yava ku nkola y’okutulugunya abantu eyakolebwanga nga bakyali mu nsiko mu buyeekera, DP gy’erumiriza nti mwalimu okusiba abantu ‘akandooya’ n’okubakolako effujjo baboogeze bye basirikidde.

Baalangiridde nga bwe bagenda okukuhhaanya amannya g’ebifo yonna gye batulugunyiza abantu babiwe spiika Kadaga, kuba ebifo bingi nnyo, wadde nga mu kiseera kino eggwanga lyesibye ku Nalufenya yokka.

More From The Author

Emboozi z’omuwandiisi endala

Emboozi endala

Godi 220x290

BUKEDDE WA SSANDE YAFULUMYE DDA...

Bukedde w’enkya tukuleetedde embeera ya Sipiika Kadaga ebiri mu ddwaaliro gye yatwaliddwa, mu kyalo e Kamuli ne...

Lindako1 220x290

Abaafeze omusuubuzi w’e South Afrika...

ABASAJJA basatu abagambibwa okubeera mu kabinja k’abafere ba zzaabu mu Kampala, abaafera omusuubuzi w’e South Afrika...

Muserikale 220x290

Omuserikale wa poliisi gwe baakutte...

EDDOBOOZI lya Gideon Mbirire eryesembyeyo okuwulirwa lyabadde nti ‘temunzita eby’emmundu sibimanyi’. Kyokka bakira...

Kaba 220x290

Roden Y Kabakko ne Vinka bayingidde...

Wakati mu lutalo lw’ebigambo olugenda mu maaso, Cindy yatuuse n’okugamba nti; ‘’Nneewuunya abayimbi abeeyita nti...

The 220x290

Cindy Ssanyu ne Sheebah bayomba:...

OLUTALO wakati Sheebah Karungi ne Cindy Ssanyu nga buli omu yeewaana nga bw’asinga munne okukuba emiziki n’obuganzi...