TOP
  • Home
  • Amawulire
  • Omugagga Sudhir ayungudde balooya kabiriiti okumuwolereza

Omugagga Sudhir ayungudde balooya kabiriiti okumuwolereza

By Musasi wa Bukedde

Added 7th August 2017

KKAMPUNI ya Bannamateeka eya Kampala Associated Advocates (KAA) ejjudde balooya abagundiivu omuli n’eyaliko omuwabuzi omukulu owa Gavumenti mu by’amateeka Peter Kabatsi n’eyaliko akulira abalamuzi mu ggwanga Herbert Ntabgoba.

Waka1 703x422

Balooya; Karuhanga ne Ntabgoba omugagga Sudhir b'ayungudde okumuwolereza

Ng’oggyeeko Kabatsi ne Ntabgoba, abalala ye; Elly Karuhanga, Elison Karuhanga, Dr. Kallu Kalumiya, Sam Mayanja, Oscar Kambona, ne Joseph Matsiko eyaliko omuwaabi ow’emisango gya Gavumenti.

Abalala ye Bruce Musinguzi, Augustine Idoot Obilil, Jet Tumwebaze, Isaac Kyagaba, Dennis Otatiina, Pearl Nyakabwa, John Musiime, Catherine Nansubuga, Leonard Businge, John Bulungu, Nicholas Kihangire ne Phoebe Murungi.

Bruce Musinguzi yali omu ku balooya abawolereza kkampuni y’essimu eya MTN ng’emegga ginnaayo eya UTL.

Mukugu nnyo mu misango gy’ebyobusuubuzi. Yali looya wa MTN mwe yameggera omubaka wa Bugweri Abdu Katuntu mwe yali agivunaanira okukozesa enkola ya ‘mobile money’ mu bumenyi bw’amateeka.

Yali omu ku balooya mu musango gw’ekitongole ky’ebyempuliziganya mu ggwanga nga kittunka ne kkampuni ya South Africa, Traces TV (Uganda) Ltd, eyali yaweebwa obuvunaanyizibwa okukung’aanya ssente ku ttivvi mu myaka etaano.

Wabula guno Musinguzi ne banne gwabamegga. Yali omu ku balooya ba Pulezidenti Yoweri Museveni mwe yameggera Amama Mbabazi mu musango gw’Ebyokulonda.

Elison Karuhanga ye yali looya w’akakiiko k’ebyokulonda mu musango ogwo era yaliko munnamateeka wa DFCU Bbanka.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...