TOP
  • Home
  • Amawulire
  • Eyapangisiddwa okutta omuntu yasasuddwa emitwalo 20!

Eyapangisiddwa okutta omuntu yasasuddwa emitwalo 20!

By Moses Lemisa

Added 7th August 2017

OMUKOZI wa kkampuni enkuumi eya Tiger Security Group Limited eyapangisiddwa okutta omuntu baamusasudde emitwalo 20 okutuukiriza omulimu.

Bruhan1 703x422

Bruhan agambibwa okupangisa Omala (mu katono) nga yeewozaako.

Bya MOSES LEMISA NE MOREEN NABWEETEME

OMUKOZI wa kkampuni enkuumi eya Tiger Security Group Limited eyapangisiddwa okutta omuntu baamusasudde emitwalo 20 okutuukiriza omulimu.

Yabadde waakwongerwa 100,000/- ng’omulimu agumaze. Kyokka n’abakulira kkampuni eno bagambye nti beetegefu okuyamba ku poliisi okumuwaako obujulizi kubanga y’avunaanyizibwa ku bikolwa bye ng’omuntu, kuba si nkola ya kitongole kyabwe.

Joseph Owulo, omu ku baddukanya kkampuni eno ekozesa Alex Omala yategeezezza nti beetegefu okuwa poliisi obujulizi bwonna kuba bbo tebakkiriziganya na bamenyi b’amateeka.

“Omala eky’okumupangisa agende atte omuntu yakikoze ku bubwe ng’omuntu so ssi kkampuni era ffe tuli beetegefu okukolagana ne poliisi okulaba ng’avunaanibwa.

Kkampuni yaffe eriwo kukuuma bantu n’ebintu byabwe, si kumenya mateeka.

Omusango bwe gumusinga oba bw’aguwangula tetukyamwetaaga, agobeddwa,” Owulo bwe yategeezezza.

Ku Lwokubiri akawungeezi, Alex Omala omutuuze w’omu Katanga mu munisipaali ye Kawempe ng’akolera mu kkampuni ya Tiger Security Group Limited esangibwa e Ntinda, yalumba Claire Nimusiima 25, ku mulimu w’addukanyiza ‘mobile money’ e Wandegeya n’ekigendererwa eky’okumutta kyokka essasi ne litamukwata bwatyo Nimusiima n’adduka.

Omala yakwatibwa poliisi y’omu Kimwanyi eduumirwa Lonah Kamugisha eyamwongerayo e Wandegeya.

Omala ng’ali ku poliisi yategeezezza nti waliwo mukwano gwe Bruhan Hakim omuzimbi eyamuwadde ddiiru y’okumuttira muganzi w’e Nimusiima ng’era baateesa amusasula emitwalo 30, n’amusasulako 20.

Bruhan naye yakwatiddwa kyokka ne yeegaana okupangisa Omala. Bagguddwaako omusango ku fayiro SD REF:63/02/08/2017

More From The Author

Emboozi z’omuwandiisi endala

Emboozi endala

Twala3 220x290

Aba UPDF balaze ebifo bye baakasuuza...

AMAGYE ga UPDF galaze ebifo ebyali eby’omutawaana bye baakasuuza abakambwe ba Al Shabab, gye baasinziiranga okulumba...

Unity 220x290

Ab’e Buvuma batutte NFA mu kkooti...

ABATUUZE abasoba mu 300 okuva mu byalo eby’enjawulo mu ggombolola y’e Buwooya mu disitulikiti y’e Buvuma batutte...

Kalekayihuraindeepthoughts 220x290

Abaserikale batulugunya batya abantu...

AMERIKA olwatadde ekkoligo ku Kayihura, n’atandikirawo okulaajana nti: Baagala kunzita, baagala kunsaanyaawo….....

Nyiiga 220x290

Poliisi esuuzizza ababbi ente gye...

ABASERIKALE ba poliisi ennawunyi basuuzizza ababbi mmotoka y’ekika kya Ipsum nnamba UAT 194J mwe baabadde batambuliza...

Noda 220x290

Mmotoka ya Kitatta nayo eri ku...

ABDALLAH Kitatta we yabeerera omuyima wa Bodaboda 2010, alina abantu naddala aba bodaboda be yanyiiza ne be yakoleranga...