TOP

Cranimer Kalinda aziikibwa lwa kusatu

By Vivien Nakitende

Added 7th August 2017

CRANIMER Kalinda 83, omuwandiisi w’ebitabo nnakinku era munnabyabufuzi omukukuutivu yafudde mu kiro ekyakeesezza Ssande.

Kalinda7 703x422

Omugenzi Cranimer Kalinda

Bya VIVIEN NAKITENDE

CRANIMER Kalinda 83, omuwandiisi w’ebitabo nnakinku era munnabyabufuzi omukukuutivu yafudde mu kiro ekyakeesezza Ssande.

 Kalinda yafiiridde mu ddwaaliro e Nakasero. 

Okusinziira ku muwalaawe Dr. Fiona Kalinda agamba; Taata amaze ebbanga lya myaka etaano ng’atawaanyizibwa obulwadde bw’omutima,  era tubadde tumujjanjabira mu malwaliro ag’enjawulo okuli; Kadic ne Nakasero. 

 alinda nabamu ku baana be Kalinda nabamu ku baana be

 

Okuva maama omugenzi Nightangle Kitoogo Kalinda bweyafa mu 2013, embeera yaayongera okumukaluubirira olw’ekiwubaalo,  era mbadde ntera okumutwala ewange e Kira  n’embeerako naye,  naddala ng’afunyemu obukosefu.

 utabani wa alinda omukulu Mutabani wa Kalinda omukulu

 

Nga tannafa,  abadde yalumbibwa endwadde ya Alusa ebadde emumazeeko  emyezi ebiri,  n’obulwdade bwa puleesa obwamukutte ku ssaawa esembayo,  era naamuddusizza mu ddwaaliro e Nakasero ku makya g’olw’omukaaga ng’embeera etabuse, bw’abadde bukya ku ssaawa mwenda ez’ekiro  ekyakeesezza ssande, Taata nassa omukka gwe ogw’enkomerero.

 alinda ne mutabani we Kalinda n'omu ku batabani we

 Leero ku  mmande  ssaawa mukaaga ez’emisana,  omulambo gwa  Kalinda gutuusiddwa mu makaage mu zooni ya Sserwadde e Kabowa okuva mu ddwaaliro e Nakasero,  wakati mu maziga n’okwazirana okuva mu bamulekwa n’abeng’anda ze.

 Wategekeddwawo okusabira omwoyo gw'omugenzi mu makaage leero ssaawa 11, enkya ku Lwokubiri asabirwe mu kkanisa ya St. Stephen’s C.O.U E Kabowa, aziikibwe ku lw'okusatu ku bijja bya ba Jjajjaabe e Mulule Ssemuto mu disitulikiti y'e Luwero. 

 maka ga alinda agasangibwa e abowa Amaka ga Kalinda agasangibwa e Kabowa

 Kalinda yawandiika ebitabo eby’enjawulo okuli; Kirimuttu, Bazibumbira, Risinga against all Odds, yakyusa Animal Farm mu  Luganda (Amaka ga ba Wansolo), n'ebiralala. 

Wafiiridde ng'alese ekitabo kye ekipya ky'abadde agenda okujjula ku nkomerero y'omwezi guno ekiyitibwa "Emmambya Akawungeezi".

 

 bamu ku baana ba alinda Abamu ku baana ba Kalinda

 

Yasomesaako ku Mengo P/S ne Kings College Budo, yakolako mu kitongole ekitegeka eby’ensoma ekya National  Curriculum Developement Center, yaliko kansala ku lukiiko lwa KCC e Makindye mu gye 90, yaliko ssentebe wa munisipaali y'e Makindye, yaliko RDC wa Kampala, wafiiridde nga muwabuzi wa pulezidenti mu kitundu kya Lubaga South.

 bakungubazi nga bakuba eriiso evvannyuma ku mulambo gwa alinda Abakungubazi nga bakuba eriiso evvannyuma ku mulambo gwa Kalinda
 alinda ne mukyalawe ightangel bombi kati abagenzi bwe baali bakyali balamu Kalinda ne mukyalawe Nightangel bombi kati abagenzi bwe baali bakyali balamu

 

 

 

More From The Author

Emboozi z’omuwandiisi endala

Emboozi endala

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...