TOP
  • Home
  • Diaspora
  • Abayimbi kumpi bonna baggweeredde mu Amerika!.

Abayimbi kumpi bonna baggweeredde mu Amerika!.

By Musasi wa Bukedde

Added 14th August 2017

NGA ne Bebe Cool tannakomawo okuva mu Amerika gy’amaze ebbanga, abayimbi abalala bangi bagenda mu ggwanga eryo nga bali ng’abalina ekibasika okugendayo.

Unaacauses1 703x422

Abayimbi; Lutalo, King Saha ne Sheebah

Abayimbi okuli; Juliana Kanyomozi, King Saha, David Lutalo, Sheebah, Naava Grey, Minah Inzah ne Geo Steady bagenda kwetaba mu bikujjuko ebimanyiddwa nga Summer's Ultimate Event 2017 ebitegekeddwa ekibiina kya UNAA Causes ekimu ku bigatta Bannayuganda abali mu Amerika.

Bagenda kubeera mu kibuga Las Vegas eky’essaza ly’e Nevada nga kw'abo ate bagasseeko n’abayimbi Abanigeria okuli P Square n'abalala.

Ebikujjuko ebyo ebya Labor day weekend, bigenda kutandika nga 31 August omwaka guno biggwe nga 3 September mu woteeri ya Aria Resort and Casino hotel e Las Vegas nga Bannayuganda bagenda kusisinkana okumanyagana, okwogera ku by’okwekulaakulanya n’okutwala eggwanga lyabwe mu maaso, okusanyukira awamu, obwegassi n’ebirala.

Akulira eby’entambuza y’emirimu mu kibiina kya UNAA Causes, David Muwanga agamba nti bagenda kusooka kulambula ku kibuga kya Las Vegas ekimanyiddwa nga ‘sin city’ kye boogerako ng’ekyakabi mu bisanyusa nga kye kyavaako n’enjogera ya ‘What happens in Vegas, stays in Vegas’ ekitegeeza nti, ebibeerayo tebyogerwa, olwo akawungeezi balye eky’eggulo ekituumiddwa 'Business Social Networking Dinner' n’ebirala bigoberere okumala ennaku ssatu ng’abayimbi abo basanyusa abantu buli lunaku ku mikolo egy’enjawulo.

Mu basinze okwesunga olugendo ye Minah Inzah alabika ng’agendayo omulundi ogusooka, King Saha gwakubiri ne David Lutalo, Geo Steady naye agendayo gusooka wamu ne Sheebah ate nga Juliana abeerayo nnyo.

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...