TOP
  • Home
  • Amawulire
  • Abaami b'amasaza babanguddwa ku kawuka ka siriimu

Abaami b'amasaza babanguddwa ku kawuka ka siriimu

By Dickson Kulumba

Added 17th August 2017

Abaami b'amasaza babanguddwa ku kawuka ka siriimu

Pk1 703x422

ABAAMI b’amasaza mu Buganda bakubiriziddwa okwongera amaanyi mu kubuulirira abantu baabwe okwewala obulwadde bwa siriimu nga batandikira ku kubakunga okwekebeza okumanya obulamu bwabwe we buyimiridde.

Bino byogeddwa Dr. Fiona Kalinda mu musomo gw’okubangula abaami b’amasaza mu Buganda ogubadde e Bulange- Mmengo n'ategeza nti ebyanoonyerezebwa ku bulwadde buno mu 2015 byalaga nti abantu 40,200 bebaafuna obulwadde buno mu Buganda okuva ku 83,000 mu Uganda yonna ate abantu 665,069 mu Uganda bebetaaga eddagala nga 382,000 bali mu Buganda.

Dr. Kalinda yanokoddeyo Disitulikiti okuli Mityana, Bukomansimbi, Wakiso, Mubende, Rakai, Sembabule ne Buvuma ng’ezisingamu obulwadde buno mu Buganda.

 bamu ku bannamawulire abeetabye mu musomo gwebyobulamu Abamu ku bannamawulire abeetabye mu musomo gw'ebyobulamu

 

Obwakabaka bwa Buganda buli mu kubangula ebiti by’abantu eby’enjawulo okuli Abataka abakulu b’ebika, abamasaza ng’olunaku lw’eggulo basomeseza Bannamawulire, Dr. Ben Mukwaya nga ye Minisita w’ebyobulamu e Mmengo okutwala obuvunanyizibwa bwabwe ng’abasawo abasooka okulabula abantu ba Kabaka ku kabi akaleetebwa obulwadde buno.

Kinajjukirwa nti Kabaka Mutebi II yaweebwa engabo y’okukulemberamu abasajja n’abalenzi okuvaayo okulwanyisa obulwadde bwa siriimu nga Minisita w’ebyobuwangwa e Mmengo, Denis Walusimbi Ssengendo asinzidde mu musomo guno n'asaba abantu bakole ebyo Kabaka by’abakubiriza ate baddeyo okutambulira ku nnono n’obuwangwa bwabwe omuli amakubo g’okwewala endwadde.

More From The Author

Emboozi z’omuwandiisi endala

Emboozi endala

Kept 220x290

Looya wa Kiwanuka ayanukudde mukyala...

EMIVUYO gyeyongedde mu ffamire y’omugagga Mohan Kiwanuka akulira balooya be bw’ategeezezza nti, mukama waabwe tabawanga...

Temu 220x290

Taata asse omwana n’amusuula mu...

ABAAGALANA bakwatiddwa nga bateeberezebwa okwekobaana ne batta omwana ow’emyaka ebiri, omulambo ne bagusuula mu...

Kat1 220x290

Amaanyi ga Buganda gali mu bavubuka...

Amaanyi ga Buganda gali mu bavubuka abakuziddwa mu mpisa

Pp 220x290

Sabiiti amalirizza lipooti Pulezidenti...

MAJ. Gen. Sabiiti Muzeyi akulembedde badayirekita ba poliisi ne basisinkana Pulezidenti okumwanjulira pulaani yaabwe...

Tek1 220x290

Akulira ebibiina by'obwegassi e...

Akulira ebibiina by'obwegassi e Kawempe avumiridde eky'okuggulawo ebibiina nga tebimaze kunoonyerezebwako