TOP
  • Home
  • Amawulire
  • Ssentebe wa NRM ebweru w'eggwanga ayaniriziddwa mu kitiibwa

Ssentebe wa NRM ebweru w'eggwanga ayaniriziddwa mu kitiibwa

By Musasi wa Bukedde

Added 27th August 2017

Ssentebe w'ekibiina kya NRM ebweru w'eggwanga ayaniriziddwa mu kitiibwa

Ki1 703x422

Patrick Asiimye ng'atuuse e Turkey

SSENTEBE ow’ekiseera ow’abawagizi ba NRM obweru wa Uganda Mw. Patrick Asiimwe ayaaniriziddwa mu bbugumu bw’abadde atuuka mu kibuga Istanbul  ekya Turkey gy'agenze okukunga Bannayuganda abaliyo okwongera okwegatta ku kibiina kya NRM.

Mu kutuuka ku  kisaawe ky’ennyonyi e  Istanbul Atarkuk mu  Turkey yayaniriziddwa Bannayuganda abawagira NRM abakulembeddwamu Ssentebe waabwe Hussein Wasswa.  “Ekindeese wano kwe kubalabako, okwongera okuliisa enjiri ya NRM tusobole okufuna bammemba abapya ate n’okufuna ebirowoozo byamwe ku ngeri gye tusobola okwongera okulongoosa empeereza yaffe ng’abakulembeze gye muli”, Asiimwe bwe yabategeezezza abawagizi abakunganidde  ku Kigilasi Hall mu kibuga Istanbul.

Kwe kubakakasa ng’enteekateeka z’okulonda abakulembeze abaggya omwaka ogujja bwe zigenda mu maaso n’abasaba okwewandiisa n’okujjumbira okulonda kuno bwe kunaaba kutuuse.

Asiimwe era yabakunze okuwagira kaweefube yenna gwe baliko ng’ekibiina omuli okulwanyisa obubenje ku nguudo zomu Uganda, okutumbula eby’obulamu, eby’obulambuzi n’okusikiriza mu musiga nsimbi okujja mu Uganda batandikemu emirimu.

Akulira ettabi ly’e Turkey , Wasswa mu kwogera kwe yasiimye ebituukiddwako mu bukelembeze bwa Mw. Asiimwe era ne yeyama ku lwa banne okugenda mu maaso n’okumuwagira n’enteekateeka zonna ezikoleddwa obukulembeze bwe.

Ate omwogezi w’ekibiina kino ow’ekiseera Mw. Moses Kimuli, yagambye nti olugendo luno mukamaawe Asiimwe lwe yatandikidde Turkey lugenda kumutuusa ne mu mawanga amalala okuli Egypt, South Africa, Dubai ne  Qatar  ng’agenda abunyisa enjiri ya NRM, okukunga abantu okugyegattako, okuwagira enkulaakulana ate n’okulaba amatabi gaabwe mu mawanga gano bye gatuuseeko era nga wakutuuka ne Japan ne China 

More From The Author

Emboozi z’omuwandiisi endala

Emboozi endala

Lukwago 220x290

‘Twagala kumanya musaala gwa Byamukama’...

LOODI meeya Erias Lukwago ne Male Mabiriizi batutte okusaba mu kkooti nga baagala kkooti ebawe fayiro y’akulira...

Worship 220x290

Abantu beemulugunya ku bukambwe...

BANNAKAMPALA balaze obutali bumativu ku bikwekweto ebikolebwa ekitongole ky’amasannyalaze ekya UMEME ku babba amasannyalaze...

Wash 220x290

Abawala b’e Nansana 2 bafi iridde...

JUSTINE Namigadde 32 yalekawo abaana be n’agenda mu ggwanga lya Saudi Arabia okukola emirimu gya waka ng’asuubira...

Abawala b’e Nansana 2 bafi iridde...

JUSTINE Namigadde 32 yalekawo abaana be n’agenda mu ggwanga lya Saudi Arabia okukola emirimu gya waka ng’asuubira...

Meet 220x290

Bukedde eyanise enguzi mu kufuna...

BW’OSANGA makanika eyeefudde akanikira emmotoka ebweru wa ofiisi ezikola ku bya paasipooti, tosooka kumubamirako...