TOP

Aweze okukuba akulira poliisi

By Moses Lemisa

Added 1st September 2017

POLIISI ekoze ekikwekweto n’ekwata omukubi w’ebikonde abatuuze gwe balumirizza okutambula n’ebisi n’okutunda enjaga kyokka n’alabula abaserikale nti ssinga bamulemerako ajja kubayiiwa amannyo ng’avudde e Luzira.

Ongom1 703x422

Ssemakula(ku ddyo) ne banne be yakwatiddwa nabo

  Bya MOSES LEMISA

POLIISI ekoze ekikwekweto n’ekwata omukubi w’ebikonde abatuuze gwe balumirizza okutambula n’ebisi n’okutunda enjaga kyokka n’alabula abaserikale nti ssinga bamulemerako ajja kubayiiwa amannyo ng’avudde e Luzira.

Yusuf Obuggwa 27 ow’omu Zooni ya Lufula ku Kaleerwe omukubi w’ebikonde mu Kololo Boxing Club abatuuze be baamulonkomye ku poliisi nga bw’aludde ng’abatigomya ekiro ng’akuba baasangiriza ebikonde n’abanyaga sso ng’atambula n’ebissi n’okutunda enjaga.  

Akulira poliisi y’oku Kaleerwe, Isaac Ongom ye yakuliddemu ekikwekweto mu kiro ekyakeesezza ku Lwokubiri.

Kyayindidde mu bitundu omuli Kaleerwe, Kyebando, Mulago ne Mpereerwe ng’awamu abantu 15 be baayooleddwa.  

Obuggwa ng’ali ku Poliisi yasoose kulabula Ongom nti ssinga agenda mu maaso n’okumulemerako, ajja lumu kumuyiwa amannyo kuba talina bujulizi bumala bulaga nti akuba abantu okuggyako ye omusango gw’amaanyi gwa kutunda njaga ate nga gwo tegusobola kusibisa muntu kuba si gwa kutta.

 ngom ku kkono ne buggwa Ongom (ku kkono) ne Obuggwa.

 

“Nze lwakuba amateeka g’ebikonde ge ganfuga kati naye gwe afande nkukuba ekikonde kimu ne nkuyiwa amannyo era nkulabula nti   singa onnemerako nja kukulagirako.

Ate ekiro we mwankwatidde mwamponye kuba mwabadde ne mmundu,” Obuggwa bwe yalabudde abasirikale.

Abalala abaakwatiddwa kuliko; Robert Mubiru, Abu bakari Lubulwa, Tonny Tengo, Abdul Mugerwa, John Bwete, Charlse Nkoyoyo, Siraje Ssemakula ne Iman Ssemakula.

 Ongom yategeezezza nti okusinziira ku kunoonyerezza kwa poliisi, Obuggwa y’omu ku bavubuka ab’omutawaana ababadde banoonyezebwa poliisi okumala ekiseera era yagguddwaako emisango ebiri okuli ogw’okutunda ebiragalalagala oguli ku fayiro nnamba SD:03/29/08/2017 n’ogw’okutambula n’ebissi oguli ku Fayiro nnamba SD:04/29/08/2017.

More From The Author

Emboozi z’omuwandiisi endala

Emboozi endala

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...

Owoyesigire 220x290

Ababbi balumbye Klezia ya Yowana...

ABABBI basatu balumbye ekifo awaterekebwa ebirabo ku Klezia ya Yowana Maria Mzee ku Lubaga Road n’amajambiya nga...

Abtexbajjohoima 220x290

Ttiyaggaasi n’amasasi binyoose...

Abbey Musinguzi owa Abtex promotions ne Andrew Mukasa owa Bajjo Events enjiri y’okununula abasibe abali ku misango...

Joycenakiryannamwanduwakasoziabaanabeyazaalagwebagobawebuse 220x290

Abaana bagobye nnyaabwe mu maka...

Abaana bafuuyidde ebirime bya nnyaabwe n'okumugoba awaka okutuusa ng'abawadde ekyapa kya kitaabwe

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda