TOP

Omukazi agabye omulambo mu kika ekirala

By Musasi wa Bukedde

Added 3rd September 2017

Oluvannyuma lw’okukakasa nti, Ssettuba azaalibwa mu kika kirala abatuuze abaabadde tebannaba kuwa mabugo baagaanyi okuddamu okugawa.

Nabakooza 703x422

Nabakooza (ku ddyo) ng’akaabira mutabani we.

Bya HENRY KASOMOKO

OMUKAZI awuniikirizza ekyalo bw’akawangamudde nti omwana Isma Ssettuba 19, gwe bazze balaba mu maka ga bba olufudde n’ategeeza nti wa musajja mulala.

Amawano gano gabadde ku kyalo Bujuuko ku luguudo lw’e Mityana ku Lwokuna.

Ssettuba abadde muvuzi wa bodaboda ku siteegi y’e Bujuuko. Yafudde oluvannyuma lw’okupangisibwa abatemu ku Lwokusatu okubatwala e Kisammula ne bamukuba.

Ssettuba yafiiridde mu ddwaaliro e Mulago eno maama we Norah Kayongo Nabakooza mukyala wa Sayid Kayongo omutuuze w’e Bujuukko - Naalya gye yakawangamulidde nti, Ssettuba yamuzaala Lugazi ew’omugenzi Jodolosi Ssebayigga.

 

Kyokka Sayid Kayongo yabadde amaze okukola entegeka nga batandise n’okusima entaana e Mukono - Mbizzinnya aziikibwe.

Nabakooza yalabye entegeka z’okuziika zitambula bukwakku n’amira ppini n’akawangamula nti omugenzi yamuzaala ew’omugenzi Ssebayigga e Lugazi.

Wano abantu abaabadde bavudde e Bujuuko okunona omulambo gwa mutuuze munnaabwe ebintu ne bibasobera.

BAGOBYE OMULAMBO MU NNYUMBA

Omulambo nga gumaze okuggyibwa ku ggwanika nga gutuuse e Bujuuko, mu maka ga Kayongo, abatuuze baaguziyizza obutayingizibwa mu nnyumba nti lino liba jjoogo.

Edward Ssebwere omu ku batuuze yategeezezza nti, amaze emyaka 19 ng’alaba abafumbo bano nga bali bombi era kyamwewuunyisizza okuwulira nti ono yamuzaala mu kika kirala.

MAAMA W’OMWANA AYOGEDDE

Nabakooza yategeezezza nti kitaawe w’omugenzi omutuufu ye Jodolosi Ssebayigga nga yali abeera Lugazi ku kyalo Mbubbu n’ategeeza nti omwami we yagenda okumufuna ng’ali lubuto lwa myezi esatu.

Yannyonnyodde nti, yali abeera Kasubi yekka era lumu enkuba yatonnya n’emenya ennyumba ye Kayongo n’amutwala ewuwe e Nateete ne bafuuka bafumbo kati emyaka gyekulungudde 19.

KAYONGO ATANGAAZA

Yategeezezza nti yali tamanyi nti ebigambo mukazi we bye yamugamba mu kusaaga nti bituufu.

Kayongo yategeezezza nti baakamala ne Nabakooza emyaka 19 era nti buli kyama kye akimubuulira.

BAGAANYI OKUWA AMABUGO

Oluvannyuma lw’okukakasa nti, Ssettuba azaalibwa mu kika kirala abatuuze abaabadde tebannaba kuwa mabugo baagaanyi okuddamu okugawa.

Era baagaanyi n’okuwerekera ku mutuuze munnaabwe Nabakooza okuziika mutabani we e Lugazi.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.