TOP
  • Home
  • Amawulire
  • Omuyizi w'ekyambogo afumitiddwa ebiso mu bbaala ya Massi e Banda

Omuyizi w'ekyambogo afumitiddwa ebiso mu bbaala ya Massi e Banda

By Musasi wa Bukedde

Added 5th September 2017

Omuyizi w'ekyambogo afumitiddwa ebiso mu bbaala ya Massi e Banda

Do1 703x422

Omuyizi eyafumitiddwa ebiso ng'apooca n'ebiwundu ku kitanda

Bya Prossy Kalule

OMUYIZI w’e kyambogo afumitiddwa ebiso mu ndira ekyenda ne kifuluma bw’abadde mu ndongo ne banne e Banda.

Bwe bamaze okumufumita kwe kumuwalula okumufulumya mu Bbaala nga bwe bamwambula engoye mwabadde kyokka abayizi banne babalabuukiridde ne bamubasiko wakati mu kukuba enduulu kwe kumuta ne badduka.

Albert Oluka omuyizi mu yunivasite y’e Kyambogo ng’akola ssomo lya BAF (bachelor of accounting and Finance )y'aleeteddwa mu dwaliro e Mulago nga yenna aleebaleeba oluvannyuma lw’okufumitibwa ekiso mu ndira ne kimuyuza ekyenda.

 

Bino by'abaddewo ku ssaawa 6:00 ez’ekiro ky’o Lwokuna mu kifo ekibeeramu endongo ne bbaala nga bakiyita  Massi e Banda omuyizi bwe yabadde ne banne abantu b’ettima kwe kumufumita ekiso mu ndiira.  

Kigambibwa nti Oluka yabadde ava ku mupiira gwa Namboole  ne banne kyokka  Uganda bwe yawangudde ttiimu endala abayizi ababadde ku kisaawe kwe kusalawo okugya mu kifo kino olusanyuka.

Mukwano gwe Micheal Egongo ng’ono bwe basula mu kisenge ekimu ategeezezza nti yabadde y’esudde akabanga ku kifo kino kwe kulengera abasajja basatu nga bawalula omuntu okumugya mu bbaala eno kyokka nga bwe bamwambula engoye.

‘’Nnalabye bamuwalula banguwa okumwambula kyokka nga waliwo abayizi ababagoberera  kwe kusembera wano we nalabidde nga  ye mukwano gwange ,wano we yawogganidde n’atugamba n’abayizi bwe twabadde nti bamukutte n’okumwambula be bamufumise kyokka tayina bw’abayita era yabadde tamanyi gye bamutwala.”  

Abayizi olw’awulidde kwe kutandika okukuba enduulu nga bwe basikambula munnaabwe ku gasajja kyokka bwe babasinzizza amaanyi abasajja kwe kubulawo n’engoye.

Bafunye piki piki eyabatutte mu ddwaliro e Nsambya kyokka olw’embeera embi gye yabaddemu abasawo kwe kubalagira okumuleeta e Mulago kati jajanjabibwa mu waadi y’abebisago.

More From The Author

Emboozi z’omuwandiisi endala

Emboozi endala

Mknmu21 220x290

Ababadde batwala omulambo batuuyanye...

Abatuuze ku kyalo Nassuuti mu munisipaaali y’e Mukono baasitaanye okufuna ebiwandiiko ebitambuza omulambo gwa munnaabwe...

1bc8d9398e5f4a07a3307fdfeb1d90ad 220x290

Kasujja omukulu w'ekika ky'Engeye...

OMUTAKA Hajj Mohamood Minge Kibirige Kasujja abadde akulira ekika ky’engeye obulwadde bwa sukaali ne puleesa bimugye...

Mkncov11 220x290

Ab’e Mukono batandise ekifo aw’okukuumira...

Ab’e Mukono batandise ekifo aw’okukuumira abateeberezebwa okuba ne Coronavirus

414009d1dd2349e0bd6b4678886a42d21 220x290

Kabaka awaddeyo obukadde 100 okuyamba...

KABAKA Ronald Muwenda Mutebi II addukiridde Bannayuganda n’obuyambi obw’enjawulo obubalirirwa obukadde 100 ng’ensimbi...

Lop2 220x290

Omusumba Bp. Silvester Kisitu asabye...

Omusumba Bp. Silvester Kisitu asabye Bannayuganda okubeera abaweereza abalungi