TOP

Abamenyi b'amateeka babakutte e Gganda

By Rogers Kibirige

Added 7th September 2017

POLIISI y’e Nansana ekoze ekikwekweto e Kyebando ne Gganda n’eyoola abamenyi b’amateeka abasoba mu 50 ababadde batigomya abatuuze ekiro.

Njaga1 703x422

Muwonge ng'agezaako okuwalira obutamutwala.

Bya ROGERS KIBIRIGE

POLIISI y’e Nansana ekoze ekikwekweto e Kyebando ne Gganda n’eyoola abamenyi b’amateeka abasoba mu 50 ababadde batigomya abatuuze ekiro.

Bano baayooleddwa mu kiro ekyakeesezza ku Lwokubiri ate abalala ne bayoolebwa ku Lwokubiri emisana era abaserikale baasoose kweriga nabo.

Isma Muwonge ne Hassan Katende baasangiddwa n’omuwala Pross Katushabe e Kyebando mu ggombolola ya Mumyuka Wakiso nga bakommonta enjaga emisana bwe baalabye abaserikale ba poliisi nga babataayizza ne bakola olutalo ne bakubagana n’abapoliisi nga bwe bawera nti ‘tebalina gye babatwala’ ekyawalirizza akulira poliisi y’e Nansana, Micheal Tayebwa okuggyayo bbasitoola n’ayamba ku basajja be ne basinza abayaga amaanyi.

Bano era baasangiddwa ne pikipiki eteeberezebwa okuba enzibe, enjaga, ebiso, obwambe n’ebyuma ebyeyambisibwa mu kumenya amayumba.

Katushabe, Muwonge ne Katende bagguddwaako emusango ogw’okusangibwa n’enjaga nga baginywa, okusangibwa n’ebissi ne pikipiki eteeberezebwa okuba enzibe ku fayiro nnamba SD: 60/05/09/2017 ku poliisi y’e Nansana.

Abalala abaayooleddwa mu budde baggaliddwa ku poliisi y’e Gganda ne Kyebando era ng’abaserikale baayise bassentebe ba LCI ne basunsulamu abamenyi b’amateeka ab’olulango era nga bano balindiridde kutwalibwa mu kkooti abalamuzi bwe banaaba bamaze okwediima.

Akulira poliisi y’e Nansana Micheal Tayebwa yagambye nti ebikwekweto bino bijja kugenda mu maaso awatali kubissaako kiseera kigere.

More From The Author

Emboozi z’omuwandiisi endala

Emboozi endala

Masese11 220x290

Abagoba b'amato e Ssese nabo batadde...

Abagoba b'amato e Ssese nabo batadde wansi ebikola

Mabikengaanyonyolaabakampuniyacceccabakolaoluguudolwabusegampigi 220x290

Kkampuni y'Abachina esenze ebirime...

ABAKOLA oluguudo lwa Busega – Mpigi basenze ebirime by'omutuuze n'alaajanira UNRA okumuliyirira.

China1 220x290

Abachina abaakwatiddwa babagguddeko...

POLIISI yakwongera emisango emirala ku Bachina abaatwaliddwa mu kkooti ku Lwokutaano ne basindikibwa e Luzira....

Kangaliyapoliisingaesazeekoekigokyempigiewabaddemmisa 220x290

Poliisi eggalidde Faaza lwa kujeemera...

POLIISI esazeeko Faaza Kiibi ng'akulembeddemu mmisa mu Klezia y'ekigo ky'e Mpigi n'emukwata n'atwalibwa ku poliisi...

Kab18 220x290

Kabaka ayimirizza abakozi b’e Mmengo...

Kabaka ayimirizza abakozi b’e Mmengo