TOP

Alumirizza poliisi okumwasa eriiso

By Musasi wa Bukedde

Added 9th September 2017

Alumirizza poliisi okumwasa eriiso

Bo1 703x422

Tibesigwa ng’aliko bya nnyonnyola Ssekate.

POLIISI ekutte abaserikale baayo basatu abagambibwa nti beekobaana ne ‘Crime Preventer’ ne bakuba n’okutulugunya omusajja ne bamwasa eriiso era abasawo mu ddwaaliro ne baliggyamu.

Omusajja gwe baakuba alumiriza nti baamuggyaamu eriiso n’okumusaba ssente okumuyimbula mu kaduukulu.

Abaserikale abaakwatiddwa ye, D/ Sgt. Beatrice Anena, Cpl. Alex Opito ne Nelson Natumanya abakolera ku poliisi y’e Kirimanyaga e Zzana nga beekobaana ne ‘Crime Preveter Joseph Kateregga. Wilson Tibesigwa ow’e Naziba -Lubowa ku luguudo lw’e Ntebe gwe baakuba ne bamuggyamu eriiso.

Tibesigwa yagambye nti nga August 25, 2017 bwe yali ali mu nnimiro y’ebikajjo abaserikale baamukwata ne bamukuba n’okumutulugunya. “Nali ndi mu nnimiro yange abasajja ne bajja.

Nnali manyi nti babbi kyokka baatandikirawo okunkuba n’oluvannyuma ne bantwala ku poliisi y’e Kirimanyaga era olwantusaayo ne batandika okuntulugunya nga tebalina kye bannyega era okunyimbula namala kubawa 100,000/- nga ndaba obulamu bugenda”. Omwogezi w’ekitongole kya Professional Standards Unit (PSU), Vincent Ssekate yagambye nti bwe baafunye okwemulugunya okuva ewa Tibesigwa ne bakwata abaserikale be yabadde yeemulugunyako ng’okunoonyereza bwe kugenda mu maaso okusobola okuzuula ekituufu ekyaliwo.

More From The Author

Emboozi z’omuwandiisi endala

Emboozi endala

Stabua2 220x290

Mbalinze nkya ku Obligatto- Stabua...

Stabua Natooro akoowodde abantu okweyiwa mu konsati enkya ku Club Obligatto

Namaalwa1 220x290

Omukungu agobye ffamire ye mu muka...

OMUKUNGU wa gavumenti agobye ffamire ye mu maka. Kigambibwa nti agawasirizzaamu omukyala omulala.

Magogo1 220x290

Magogo bw'aba yalya enguzi tadda...

MUNNAMATEEKA Fred Muwema agambye nti emyezi ebiri FIFA gye yasibye Moses Magogo ng'akkirizza omusango gw'okutunda...

Haruna11 220x290

Embaga za ba Celeb; Tukuleetedde...

Ddala kituufu omuyimbi Haruna Mubiru awasa balinawo?

Rolex0 220x290

Ab'e Jinja beesunga kivvulu kya...

Omanyi ekivvulu kino kye kimu ku bisinga okukwatayo mu ggwanga wabula 'Abeyidinda' baludde nga beemulugunya lwaki...