TOP

Mukomye okweraguza - Poliisi

By Musasi wa Bukedde

Added 10th September 2017

Mukomye okweraguza - Poliisi

Nup1 703x422

Omukwanaganya wa poliisi n’omuntu waabulijjo Abdu Majidu Tulibagenyi ng’ayogera eri abatuuze.

“MULEKERE awo okweraguza. Buli kimu bwe mukirowooleza eddogo, obutebenkevu mu kitundu temujja kubufuna.” Bwatyo omukwanaganya wa poliisi n’omuntu waabulijjo mu Greater Masaka, Abdu Majidu Tulibagenyi ng’ali wamu n’omumyuka we Hajji Yahaya Lyagoba bwe yalabudde abatuuze b’e Kaliisizo mu ggombolola ya Lwengo Rural mu disitulikiti ey’e Lwengo.

Yagenzeeyo okukkakkanya abatuuze abaludde nga bagugulana n’omutuuze gwe balumiriza obulogo. Kino kiddiridde omutuuze Rose Nabisere 60, okwekubira enduulu ku poliisi y’e Lwengo ng’abantu bwe baakoonye ennyumba ye n’okugiteekera omuliro nga bamukonjera okuleeta ebyokoola.

Rose Nabisere zino aziyise mpalana z’abatuuze abakwatiddwa ensaalwa nga balaba abayitako.Aliko n’omusajja gwe yalumirizza okumusaba beesanyuseemu mu kaboozi k’ekikulu kyokka bwe yagaana n’amulabula okumukola ky’atalyerabira!

Abatuuze nga bali wamu ne ssentebe w’ekyalo kino Fred Kalungi balumiriza Nabisere nti yaleeta amajiini ku kyalo ne gamulemerera kwe kusalawo geeyiggire nga gatugumbula abantu.

Abantu musanvu be baakafa ku kyalo ne balumiriza Nabisere okubatta. JANE NAKITTO ATADDE AKAKA Ono y’omu ku bantu Nabisere b’alumiriza okumuwalana olw’okumuyitako. Yagambye nti Nabisere by’amusibako nti amuwalana bikyamu.

Kwe kukikkaatiriza nti, “Abalwadde ebintu bwe bibalinnya ku mitwe, nga byogera nti, “Roza Nabisere ye yatuleeta tubatte tubamalewo.” Nakitto agambye nti obudde bw’okuwalana tabulina okuggyako okuwalana amwagaliza entaana. Poliisi kati enoonya abaayonoonye enju ya Nabisere.

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo