TOP
  • Home
  • Amawulire
  • Nnamwandu woomukozi wa Leediyo ayogedde ebikaabizza abantu amaziga

Nnamwandu woomukozi wa Leediyo ayogedde ebikaabizza abantu amaziga

By Musasi wa Bukedde

Added 10th September 2017

Nnamwandu woomukozi wa Leediyo ayogedde ebikaabizza abantu amaziga

Mo1 703x422

Omugenzi Richard Kayiira abadde munnakatemba ate ng'akola ne ku leediyo y'akaboozi

NNAMWANDU wa Munnakatemba era abadde omukozi wa leediyo, Kizito Kayiira attottodde engeri bba gy’abadde amulagamu omukwano era yatuuka n’okwesonyiwa abakazi abalala n’anywerera ku ye. Faith Kayiira yaleetedde abakungubazi okukulukusa amaziga bwe yabadde attottola bye baayitamu nga baakatandika okwagalana okumugya mu bakazi abaali bamwetoolodde era n’abawangula wadde taludde nnyo naye.

Yeebazizza Katonda olw’ekirabo ky’obulamu bwe “Nze Kayiira mbadde sinnalwa naye naye neebaza Katonda nti yali yampa omusajja atuukiridde mu buli kimu era mpulira nga ninga amaze naye emyaka ataano kubanga andaze omukwano nga sirina kyenjula era mwami wange wummula Mirembe,” Faith bwe yattottodde wakati mu maziga agaabadde gamuyitamu.

 

Maama w’omugenzi, Florence Nalwoga yamutenderezza nga bw’abadde n’empisa ng’abadde ayagala banne ate ng’atya Katonda . Eyali Minisita w’ebyensimbi Maria Kiwanuka era nga ye nnannyini Leediyo ya Akaboozi, Kayira kw’abadde akolera yategezezza nti ye Omugenzi abadde amutwala nga mutabani we kubanga abadde amuyamba ku nsonga za leediyo okutambula nga ne bw’aba si y’alina okubikola naye ng’abikola ku lw’obulungi bwa Leediyo .

Abbey Mukiibi ku lwa bannakatemba banne yategezezza nti bbo mu katemba babadde bamuyita musomesa ng’abadde ayagala nnyo okusomesa abantu. Omubaka Kato Lubwama naye yaziise.

Kayiira yafudde ku Lwakusatu obulwadde bwa kookolo eyava ku kawundu ke yafuna bwe yeekalabula nga yeeyambula essaati mu 2012 era okuva olwo abadde talina mirembe, ng’ajjanjabiddwako mu malwaliro okuli Mulago, Nakasero, Aga Khan e Nairobi ne India.

Yaziikiddwa Lusanja mu ggombolola y’e Katikamu mu Luweero. Yazaalibwa nga 21/12/1973 nga yazaalibwa omugenzi Joseph Ssentamu ne Florence Nalwoga ng’alese bamulekwa bana okuli Ausine Ssentamu, Earon Kabunga, Andew Nanyanzi ne Gabriel Kayiira wamu ne Namwandu Faith Kayiira.

More From The Author

Emboozi z’omuwandiisi endala

Emboozi endala

Masese11 220x290

Abagoba b'amato e Ssese nabo batadde...

Abagoba b'amato e Ssese nabo batadde wansi ebikola

Mabikengaanyonyolaabakampuniyacceccabakolaoluguudolwabusegampigi 220x290

Kkampuni y'Abachina esenze ebirime...

ABAKOLA oluguudo lwa Busega – Mpigi basenze ebirime by'omutuuze n'alaajanira UNRA okumuliyirira.

China1 220x290

Abachina abaakwatiddwa babagguddeko...

POLIISI yakwongera emisango emirala ku Bachina abaatwaliddwa mu kkooti ku Lwokutaano ne basindikibwa e Luzira....

Kangaliyapoliisingaesazeekoekigokyempigiewabaddemmisa 220x290

Poliisi eggalidde Faaza lwa kujeemera...

POLIISI esazeeko Faaza Kiibi ng'akulembeddemu mmisa mu Klezia y'ekigo ky'e Mpigi n'emukwata n'atwalibwa ku poliisi...

Kab18 220x290

Kabaka ayimirizza abakozi b’e Mmengo...

Kabaka ayimirizza abakozi b’e Mmengo