TOP
  • Home
  • Amawulire
  • Aba NRM e Bulaaya basembye eky'okukyusa ekkomo ku myaka gya Pulezidenti

Aba NRM e Bulaaya basembye eky'okukyusa ekkomo ku myaka gya Pulezidenti

By Musasi wa Bukedde

Added 13th September 2017

Aba NRM e Bulaaya basembye eky'okukyusa ekkomo ku myaka gya Pulezidenti

As1 703x422

Patrick Asiimwe akulira ekibiina kya NRM bweru w'eggwanga

ABAWAGIZI b’ekibiina kya NRM ababeera obweru wa Uganda, abakulirwa Patrick Asiimwe basembye ekyasaliddwawo ababaka ba palamenti ab’akabondo ka NRM okuggyawo ekkomo ku myaka gya pulezidenti.

Omwogezi waabwe  ow’ekiseera  Mw. Moses Kimuli agambye nti tewali bukakafu bwonna bulaga nti omuntu bw’asukka emyaka 75, aba takyalina busobozi bukulembera ggwanga.

Kino kiddiridde ab’abaka ba palamenti ab’akabondo ka NRM okusemba okukyusa Ssemateeka enyingo eya 102 (b), ekugira omuntu asusizza emyaka 75 okwesimbawo ku bwa pulezidenti bw’eggwanga.

Mw. Kimuli yawadde eky’okulabirako ky’abakulembeze omuli Kwiini Elizabeth owa Bungereza akyakulembera abantu be obulungi wadde nga yasussa dda emyaka 75 ne Ronald Reagan eyaliko omukulembeze wa Amerika gwe yagambye nti we baamulondera yali asussa emyaka gino era n’akola bulungi mu kisanja kye.

“Emyaka sikyekikulu wabula obusobozi bw’omuntu kye ky’omugaso, n’olwekyo ababaka ba palamenti nga basalawo ku nsonga eno ekyo kye basaanye okutunuulira”, Kimuli bwe yagambye.

N”agattako nti bo ng’abawagizi ba NRM ababeera ebweru, bakyawagira Pulezidenti Museveni okugenda mu maaso n’okukwata enkasi y’eggwanga n’ekibiina kyabwe olw’obusobozi bw’ayolesezza ekiseera ky’amaze ng’akulembera.

Kimuli yagambye nti mukamawe Mw. Asiimwe mu kutalaaga kw’aliko mu mawanga ag’enjawulo mu bulaaya n’awalala  gy’agenda akunga Bannayuganda abaliyo  okwegatta ku NRM agenda kwongerako okunnyonnyola  obwetaavu bw’okuggyawo ekkomo ku myaka gya pulezidenti ekitandise okukubaganyizibwako ebirowoozo mu ggwanga.

 

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...