TOP
  • Home
  • Amawulire
  • Omusibe afiiridde mu kaduukulu asattiza Poliisi y'e Namanve

Omusibe afiiridde mu kaduukulu asattiza Poliisi y'e Namanve

By Henry Nsubuga

Added 23rd September 2017

Omusibe afiiridde mu kaduukulu asattiza Poliisi y'e Namanve

Seg1 703x422

DPC W'e Mukono Sseguya ng'agezaako okukkakkanya abatuuze ababadde balumiriza poliisi okutulugunya omuntu n'afa

OMUSIBE  azaalidde poliisi ebizibu bw’akwatiddwa n’aggalirwa mu
kaduukulu okukkakkana nga yeeyimbyemu omuguwa ne yeetugira mu
kaduukulu.

Abatuuze bawakanyizza eky’okwetuga nga bagamba nti poliisi mu kukwata
omusibe ono baamutulugunyizza nnyo nga kyandiba nga yabafuddeko ne
baagala bapange eby’okwetuga okubuza obujulizi.

 Ssalongo Muhammad Maviiri omuvuzi wa bodaboda e Namanve y'agambibwa okwetugira
mu kaduukulu ka poliisi ya Model Police Post esangibwa mu kibangirizi ky’amakolero e Namanve.

Maviiri yaloopeddwa ku poliisi eno, mukaziwe ng’agamba nti yamukuba
oluvannyuma lw’okufuna obutakkaaanya mu maka.

Kigambibwa nti omusibe yeetuze mu kiro ekikeesezza olwaleero
ng’akozesa omusipi wadde ng’ate abatuuze bagamba nti tekisoboka kuba
teri musibe asibibwa mu kaduukulu ng’ali mu ngatto, n’omusipi nga bino
bimuggyibwako.

 Abatuuze okuli Paul Lwanga eyabaddewo nga Maviiri akwatibwa agambye
nti abasirikale baamukubye nnyo n’akaaba naye nga tebamuweeza.

Bino babinnyonnyodde DPC w’e Mukono, Rogers Sseguya ne bamutegeeza nti
OC atwala poliisi eno Justus Niyonzima asusse okubaliisa akakanja.

DPC Sseguya agambye nti batandise okunoonyereza ku kituufu ekyasse
Maviiri naye nga bbo mu kiseera kino kye bamanyi nti yeetuze.

Agambye nti omulambo gwe gutwaliddwa mu ggwanika ly’eddwaliro e Mulago
okwekebejjebwa.

More From The Author

Emboozi z’omuwandiisi endala

Emboozi endala

Looya1 220x290

Lukyamuzi ne Bwanika basabye kkooti...

EYALI omubaka Ken Lukyamuzi atutte akakiiko k’ebyokulonda mu kkooti Enkulu ng’ayagala ekalagira kayise ekiragiro...

Kasimba 220x290

Abeddira akasimba basonda za kuzimba...

Yategeezezza nti ekika kirina enteekateeka y’okuzimba ekizimbe gaggadde ekituumiddwa 'Akasimba Plaza' okukolerwa...

Seb1 220x290

Hanson Baliruno akubye abawagizi...

Hanson Baliruno akubye abawagizi be omuziki ne yeebaza Katonda olw'ekirabo eky'obulamu

Cot1 220x290

Abalamuzi bayimirizza akeediimo...

ABALAMUZI bakyusizza obukodyo bw’okusaba Gavumenti ebongeze emisaala ne bayimirizza n’okwekalakaasa kwe babadde...

Fdc1 220x290

Salaamu Musumba alangidde ababaka...

OMUMYUKA wa Ssabawandiisi wa FDC Salaamu Musumba alangidde ababaka ba Palamenti ‘’obufere’’ n’ategeeza ng’ekibiina...