TOP
  • Home
  • Amawulire
  • LUMAAMA Francis alabudde abantu okukomya okwetundako ebinja

LUMAAMA Francis alabudde abantu okukomya okwetundako ebinja

By Musasi wa Bukedde

Added 23rd September 2017

LUMAAMA Francis alabudde abantu okukomya okwetundako ebinja

Lum1 703x422

Bya Florence Tumupende

LUMAAMA Francis Mugumya Ntambaazi atabukidde abazadde okukomya okwetundako ebibanja ne badda mukugulira abaana baabwe Bodaboda mu kifo ky’okubaweerera ne batevuma nsi nga bakuze.

“ Uganda ne Buganda biragawa ng’abandibikulaakulanyizza muze mukuwuddiisa abaana bammwe nga mu bagulira Bodaboda?

Mummwe abali wano,waliwo atakimanyi nti bwowerera omwana oba omuwadde obugagga obw'ensibo?

Mu Bodaboda n’okutembeeya ennyaanya mu butale mwe mugenda okuva abasawo,abalamuzi,abasomesa,bannamawulire oba abakulembeze abenkya?

Abaana bammwe bagenda ku bettira nga mulaba bwe banaakimanya nti mwabalimba nakubagulira Bodaboda n’okusiibya mu butale nga benjeera”. Lumaama Mugumya bweyategeezeza.    

Okwogera bino yasinzidde mu lukiiko lw’essazza Kabula oluggulawo omwaka omuggya ,Buganda kweyasiimidde n'ekwasa omukulembeze w’obusiraamu mu Lyantonde Sheikh Mubaraka Ssentale kimeeme w’embuzi nga bamwebaze emirimu amatendo gy'akoze mu Ssaza lino ne disitulikiti okutwaliza awamu.

Lumaama Ntambaazi yasabye abakulembeze mu nzikiriza ezenjawulo n’abakulembeze mu byobufuzi okumukwasizaako bakwate abaana abataayayiza mu butale ne mu bibanda bya Firimu ssaako n’abazadde abakyalemedde abaana awaka olw’okuba sizoni y’okusiga ekubye kkoodi.

Mungeri y’emu yakyukidde abaami ba Ssaabasajja abamaggombolola n’emiruka abakyalina Bursaries  za Ssaabasajja mu kifo ky’okugenda nga baziwa abaana abakoze obulungi nga bwagenda okubagolola ettumba,awamu n’abo abatamanyi buvunaanyizibwa bwabwe obwabakwasibwa.  

Disitulikiti Khadi w’e Lyantonde Sheikh Mubaraka Ssentale yasinzidde mu lukiiko luno nasaba Gavumenti ku nsonga y’etteeka ly’ettaka okusasula bannannyini ttaka nga babawa ensimbi ezegasa mukifo ky’okufuuka emomboze ekiyinza okuvako ettemu mu Uganda.     Mulukiiko luno mwegattiddwamu n’abakulembeze ab’enzikiriza ezenjawulo n’abakungu mu Gavumenti eyawakati.

More From The Author

Emboozi z’omuwandiisi endala

Emboozi endala

Gaba 220x290

BUKEDDE W’OLWOKUNA ALEESE GANO...

Museveni afulumizza pulaani kakongoliro ku byokwerinda era n’alangirira nti eby’okutemula Kaweesi y’abyekwatiddemu....

Goba1 220x290

'Abasika mukomye okwezza ebintu...

Paasita Luciano Ronald Kivumbi owa Real Liberty Church, Luteete awadde amagezi abasika okukomya okweza ebintu...

Pala3 220x290

Muloope Abapoliisi abeenyigira...

PULEZIDENTI Museveni agambye nti obumu ku bumenyi bw’amateeka obugenda maaso mu ggwanga bwenyigiddwamu n’abamu...

Bika 220x290

UCU erwanira Women's Cup

UCU Lady Cardinals erina omukisa okuzza ku nsimbi ze yasaasaanya okukansa bassita ba ttiimu y’eggwanga abasatu,...

Twala 220x290

Eng'onge eri ku Ngabo

BAZZUKULU ba Nakigoye Abekinyomo, baakamudde aba Kisoro (Abehhonge), entuuyo mu mpaka z'emipiira gy’Ebika by'Abaganda...