TOP
  • Home
  • Amawulire
  • Bakunyizza omujaasi ku by’ettaka ly’e Mubende n’akwata ku ttama

Bakunyizza omujaasi ku by’ettaka ly’e Mubende n’akwata ku ttama

By Musasi wa Bukedde

Added 4th October 2017

AKULIRA bbaalakisi y’e Mubende omujjanjabirwa abajaasi abatuusiddwaako obuvune, Brig. George Gyagenda Kibirango, ebigambo bimubuze mu kakiiko k’ettaka bwe bamulaze obujulizi bw’abajaasi b’akulira abaakwata abakazi e Mubende ne babagoba ne mu Uganda bwe baali babagoba ku ttaka.

Mujaasi1 703x422

Brig. Kibirango byamusobedde.

Bya ALICE NAMUTEBI

AKULIRA bbaalakisi y’e Mubende omujjanjabirwa abajaasi abatuusiddwaako obuvune, Brig. George Gyagenda Kibirango, ebigambo bimubuze mu kakiiko k’ettaka bwe bamulaze obujulizi bw’abajaasi b’akulira abaakwata abakazi e Mubende ne babagoba ne mu Uganda bwe baali babagoba ku ttaka.

Ono yayitiddwa okunnyonnyola engeri gye yakwatamu ensonga y’abatuuze b’e Butologo e Mubende n’omujaasi Eric Kigambwoha gwe baali balumiriza okugoba abantu ku ttaka nga yeeyambisa abajaasi n’emmundu.

Nga June 17, 2014 abatuuze b’e Butologo nga bakulembeddwaamu kansala waabwe Christopher Balongo, baawandiikira Kibirango ne bamutegeeza nti Kigambwoha asaawa emmere yaabwe n’ayiwa omusanyu kw’agatta n’okumenya ennyumba zaabwe.

Baawunzika bamusaba agobe abajaasi ababatulugunya ku kyalo era abaggyeko n’emmundu.

 aj igambwoha ngalayira okwogera amazima ameereere mu kakiiko Maj. Kigambwoha ng’alayira okwogera amazima ameereere mu kakiiko.

 

BAAMUSOYEZZA EBIBUUZO

Looya w’akakiiko, Ebert Byenkya yabuuzizza Kibirango: Bwe wafuna ebbaluwa eno okuva mu batuuze wakolawo ki?

Kibirango: Natuuza olukiiko ne bajaasi bannange ne baleeta lipooti eyakolebwako ku mivuyo egiri ku ttaka lino ng’eraga nti abeebibanja abataagala kuva ku ttaka be bakola kkerere okulemesa bannannyini lyo okulikozesa.

Abatuuze nabawa amagezi nti bwe bwe baba balina bye bavunaana Kigambwoha, ensonga bazitwale mu kkooti kuba naffe twafuna ku kizibu ky’abatuuze abaali baagala okwesenza ku ttaka lya bbaalakisi.”

Byenkya yamuggyiddeyo etteeka erifuga amagye nga lirambika nti omujaasi taavumenga bantu b’abeera nabo, okutankuula entalo, okubba oba okukozesa olukujjukujju okubba ekintu ky’omutuuze oba okweyisa mu ngeri etekkirizibwa mu kitundu gy’abeera.

N’amutegeeza nti mu tteeka lino, omujaasi asiiwuuse empisa alina kuvunaanibwa mu kkooti y’amagye oba okubonerezebwa mu ngeri endala yonna.

Byenkya yabuuziddwa lwaki Kigambwoha teyavunaanibwa mu kkooti, n’agamba: “Kirabika abajaasi be natuma ku kyalo okunoonyereza ebyaliwo bampubisa ne batangamba kituufu”

Baamulazze famire Kigambwoha gye yagoba ku kyalo ne yezza ennyumba yaabwe. Kuno baagasseeko obujulizi bw’abajaasi be abasobya ku bakazi, ekyamunakuwazza n’akwata ku ttama!

Yagambye nti: Oweekitiibwa, bino mpulidde bipya naye ngenda kukola lipoota ku bye mungambye, amateeka g’ekijaasi gakole ku Kigambwoha.

Kigambwoha naye yayitiddwa kyokka yasooka kuyitibwa ku Mande n’atalabikako ng’agamba nti puleesa erinnye.

Kyokka bwe yazze eggulo, ebiwandiiko by’eddwaliro bye yaleese byabadde biraga nti ssukaali y’amuluma!

Omulamuzi Catherine Bamugemereire yamubuuzizza lwaki alimba akakiiko.

Ebiwandiiko bye yaleese byalaze nti oluusi yeeyita Mutebi!

Bamugemereire yamulagidde akome awo, banaamuddira olulala. 

Akakiiko leero kali Masaka n’ebitundu ebiriraanyeewo.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi