TOP

Bakutte ebyokulwanyisa bya Korea

By Musasi wa Bukedde

Added 4th October 2017

Bakutte ebyokulwanyisa bya Korea

Kub1 703x422

Kim Jong- un

EMMEERI ya North Korea ebadde ekubyeko ebyokulwanyisa bagikutte ng’ebalaamiriza eyolekera Misiri, ekyongedde obunkenke n’akeetereekerero k’olutalo wakati w’amawanga abiri Amerika ne North Korea.

Abakungu b’amawanga amagatte abakola ku byokwerinda be baakutte emmeeri ya North Korea kyokka baamaze kutemezebwako bambega ba Amerika. Eby’okulwanyisa ebyabadde ku mmeeri, abaabadde babitambuza baabadde beefudde abatambuza eky’obugagga ky’omu ttaka ekya “ iron ore”, era nga balaga nti bamutwala Misiri.

Kyokka abajaasi ba Amerika bwe beekebezze emmeeri baasanzeemu bbomu ekika kya guluneedi ezisukka 30,000 nga zibikkiddwaako langi za Cambodia.

Emmeeri eno eya Pulezidenti wa North Korea, Kim Jong-un we baagikwatidde Amerika yabadde yaakalabula Misiri ku mmeeri eno eyabadde ejja mu ggwanga lyabwe. Okunoonyereza okwakolebwa ekitongole ky’amawanga amagatte kwalaze nga bwe waliwo abasuubuzi mu Misiri abaabadde balagirizza ebyokulwanyisa bino.

Amerika erumiriza Misiri okuba nga yabadde egezaako okubikkirira ebyokulwanyisa bino, kuba wadde baabadde bamaze okubibategeezaako naye tewali kinene kye baakoze. Kyokka omwogezi w’ekitebe kya Misiri e Washington yategeezezza nti be baawaddewo amawulire g’entambula ya mmeeri eno ekyagireetedde okukwatibwa.

Yasambazze nga bwe batayinza kukolagana na North Korea mu kiseera kino ng’ekibiina ky’amawanga amagatte kyagiteekako nnatti.

David Thompson, omukugu mu kunoonyereza ku kitebe kya Centre for Advanced Defence Studies, mu kibuga Washington yagambye nti North Korea erudde nga yeeyambisa embeera obukodyo bw’okubuzaabuza nga bawagira ebikolwa by’okuvujjirira ebyokulwanyisa nnamuzisa.

Mu kiseera kino tekimanyiddwa kigenda kuddirira oba ng’eno y’eneeba emmanduso y’olutalo lw’amawanga gombi agaludde nga tegalima kambugu. Pulezidenti wa North Korea Kim Jong-un yalabula dda Amerika nga bw’ayinza okugikuba.

More From The Author

Emboozi z’omuwandiisi endala

Emboozi endala

Osire1 220x290

Bakutte abadde yeeyita dokita n'abba...

POLIISI eriko omusajja gw'ekutte abadde yeeyita omusawo mu ddwaaliro lya Kawempe National Refferal Hospital. Kigambibwa...

Gamba1 220x290

Eddy Kenzo akomyewo ku butaka:...

Eddy Kenzo akomyewo ku butaka: Bamwanirizza nga muzira

Mukadde1xx 220x290

Asobeddwa kibuyaga bw'asudde ennyumba...

Nanfuka agamba nti ennyumba yagudde ku Lwokusatu lwa wiiki ewedde mu nkuba eyatonnye ng’erimu ne kibuyaga

Bpmutebipix 220x290

Omulabirizi Lubowa akyalidde Mutebi...

E Bungereza yayaniriziddwa Abakristaayo ne Rev. Nathan Ntege. Mu maka ga Ntege Omulabirizi Mutebi ne mukyala we...

Tta 220x290

Poliisi erambuludde engeri gy'okufunamu...

OLUVANNYUMA lw’omugagga Ali Jabar okuyingira n’emmundu mu ddwaaliro lya Kampala Independent Hospital n’agikwasa...