TOP

Katikkiro awabudde aboogezi b'okumikolo

By Dickson Kulumba

Added 4th October 2017

Katikkiro awabudde aboogezi b'okumikolo

Lug2 703x422

KATIKKIRO Charles Peter Mayiga anenyezza aboogezi ku mikolo gy’Okwanjula olw’okuzinisa abako amazina agatasaana, okubawa akazindaalo okwogerera ku buko, okulera ku baagalwa baabwe, okumansamansa ssente saako n’okwambala mu nnyambala etali ya Kiganda ku mikolo gino.

“ ….Bwetuleka ebintu okutambula nga bwetubiraba, ekiseera kijja kutuuka ng’okwanjula tekulimu makulu, olwo abaana nga babaggya mu mabbala nga n’abazadde tebamanya ngenda y’abaana baabwe.

Mu mikolo gino, omuko ayambala ekkanzu Enganda, so si kkanzu empalabu era teyandyambadde bitengi. N’ekirala mulekerawo okuzinisa abaana gyemugenze okwanjula, ag’okwefukuta,” Mayiga bweyasomozezza aboogezi bano okulungamya emikolo.

Bino abyogedde asisinkanye aboogezi bano e Bulange- Mmengo olwaleero , 2017 naabebaza olw’okubeera omuzindaalo gw’ebintu ebikolebwa Obwakabaka n’okuyigiriza abantu obuwangwa bwabwe era n'ategeza ng’Obwakabaka bwe bulowooza ku ky’okukola amazzi Amatongole okugatta ku bintu ebirala ebireeteddwa okwongera ku nnyingiza.

Mayiga yabasabye okuggumiza enkola eyayisibwa olukiiko lwa Buganda ey’okusimba emiti mu kwanjula, ennyimbe n’emikolo emirala kyokka n'abalagira okusimbanga egyo egy’ekinnansi, okulambika ku nnyimba empya ey’oluyimba Ekitiibwa Kya Buganda n’obudde omuko bwalina okuva gyeyagenze okwanjula.

Minisita Ow’Obuwangwa, ennono n’Obulambuzi, Denis Walusimbi Ssengendo akubirizza abantu bano okufuba okukozesa olulimi olutuufu mu kiseera nga bakola kubanga bwebatakole kino, Oluganda luyinza okusanaawo nga balaba kyokka nga mwebaggya ensimbi.

Aboogezi bakulembeddwamu Ssentebe waabwe, Hannington Ssonko ng’ono ategezezza nti ekibiina kyabwe kyongedde okwenyigira mu mirimu gy’Obwakabaka mu bitongole nga Nnabagereka Foundation, Kabaka Foundation n’ebirala kyokka ne basaba Katikkiro okubafunira ekifo webayinza okuteeka ofiisi.

“Tusaba okuweebwa ku mukisa tusisinkane ku Ssabasajja Kabaka tumubuulire engeri gye tutambuzaamu omulimu gwaffe kubanga tumulinamu ennyonta okumulabako.”

Omukolo gwetabiddwako Minisita Omubeezi ow’obuwangwa Yusuf Wamala Ggaganga, Ronald Kawaddwa owa Majestic Brands n’abakungu abalala.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.