TOP
  • Home
  • Amawulire
  • Omuyimbi Spice Dina apooca na biwundu oluvannyuma lw'okkubwa

Omuyimbi Spice Dina apooca na biwundu oluvannyuma lw'okkubwa

By Josephat Sseguya

Added 9th October 2017

Omuyimbi Spice Dina apooca na biwundu oluvannyuma lw'okkubwa

Hub1 703x422

Spice Diana ng'ali mu Ddwaliro

OMUYIMBI Spice Diana eyayimba Onsanuula, Koona (ne Pallaso), Masannyalaze, Bukete, Tokombako, Njabala (ne B2C) ne manejawe Rogers Lubega bapooca na biwundu bye bagamba nti, byabatuusiddwako poliisi eyabakubidde mu kivvulu kya KCCA ekya Kampala Capital City Carnival ku Ssande.

 

Lubega asangiddwa mu ddwaliro lya Malcolm X e Kibuye ku lw’e Ntebe ategeezezza nti, baabadde mu kivvulu ekyo nga bamaze okuyimba ku sitegi ya KCCA nga basala oluguudo lwa Nkurumah bagende bayimbe ku sitegi endala ku Nandos era baasanze ebbiina ly’abantu abalala bangi abaabadde bagenda gye baabadde balaga wabula owa poliisi gwe balumiriza okubakuba nga bagamba nti yabadde DPC ng’alina n’amayinja asatu, yabakubye ng’abwabalangira okuyita we batalina kuyita.

 

Lubega anyumya nga bwe baamwegayiridde abaleke kubanga baabadde tebamanyi nti tewali kkubo ne bamusaba abakkirize kubanga omuyimbi we Spice Diana ng’amannyage amatuufu ye Hajarah Namukwaya, be baabadde balina okudda ku sitegi wabula omuserikale oyo n’agaana n’atandika okubakubisa ‘batuuni’ badde emabega.

 

Lubega eyabadde ataasa naye baamukubye nga bwe balaajana ate bwe baabalese ne babasibira mu kaduukulu ka poliisi ne babaggulako omusango ogw’okukuba omuserikale ku fayiro nnamba 17/08/10/2017.

Kyokka Lubega yewuunyizza olukujjukujju lwa poliisi nti yeyabakubye ate n’ebaggulako omusango nti Spice Diana ye yakubye omuserikale ate nga musajja.

More From The Author

Emboozi z’omuwandiisi endala

Emboozi endala

Nsamb6webuse 220x290

Abeddira Engabi balabuddwa ku kufumbiriganywa...

Omukulu w'ekika ky'Engabi Ensamba, Alysious Lubega Magandaazi avumiridde bazzukulu ba Nsamba abeewasa nga beekwasa...

Hosp81webuse 220x290

Bakansala basimbidde eky’okuddiza...

Bakansala mu lukiiko lwa munisipaali ya Mukono baagala eddwaaliro lya Mukono waakiri lireme kusuumusibwa bwe liba...

Weblweranew 220x290

Tetuzze kugoba balimira mu Lwera...

Dayirekita wa NEMA, Dr. Tom Okurut yatangaazizza nti abakugu baabwe baasooka kwekenneenya ttaka lino nga tebannawa...

Rwe11 220x290

Bannalwengo boogedde ku bulamu...

Bannalwengo boogedde ku bulamu bwa Getrude Nakabira

Love 220x290

Nnannyini ssomero bamusimbye mu...

ASADU Wamala nannyini ssomero lya Wamala Mixed SS e Mpigi leero azzeemu okusimbibwa mu maaso g”omulamuzi Moureen...