TOP

Mulekere abantu eddembe - Bp. Semwogerere

By Musasi wa Bukedde

Added 10th October 2017

Yalabudde ababaka ba Palamenti okwewala okutaganjula ssemateeka wamu n’abaakoze effujjo mu Palamenti n’agamba nti bino bireeta obunkenke, entiisa n’okusasamaza Bannayuganda.

Bp1 703x422

Bp. Semwogerere ( ku ddyo) ng’atuuza Fr. Sekyanzi ku bwa bwanamukulu w’ekigo ky’e Kalule.

Bya SAMUEL KANYIKE

OMUSUMBA w’essaza lya Kasana - Luweero, Paul Semwogerere avumiridde abaawewenyudde abantu abaabadde bambadde ebimyufu kibooko n’agamba nti kuno kuba kufuga bumbula na kubamalako ddembe lyabwe naddala mu kiseera kino nga tujaguza Ameefuga.

Yalabudde ababaka ba Palamenti okwewala okutaganjula ssemateeka wamu n’abaakoze effujjo mu Palamenti n’agamba nti bino bireeta obunkenke, entiisa n’okusasamaza Bannayuganda.

Yawabudde abantu nti ssinga ababaka banajja okubeebuuzaako ku nsonga z’okukyusa Ssemateeka bababuulire ebituufu ebitajja kutwala ggwanga mu matigga so ssi kulya buli ssente zaabwe.

“Mutulekere eddembe lye twalwanirira emyaka 50 egiyise kuba obwetwaze ssi kwetwala kyokka wabula buli omu kuba n’eddembe lye, si kufugibwa bufugibwa. Omuntu ng’ayambadde enkoofiira oba ettaayi emmyuufu okuba waaki emiggo?”, Omusumba Semwogerere bwe yeebuuzizza.

Yabadde ku mukolo gw’okutongoza ekigo ky’e Kalule mu Luweero ekyakutuddwa ku Waluleeta n’okutuuza Bwanamukulu w’ekigo kino, Fr. Emmanuel Sekyanzi Lwevuze n’omumyuka we Fr. Godfrey Serulangira.

Yatenderezza Gavumenti okukola eky’obuzira n’essa mu kasero etteeka lye baali baagala okuleeta ery’obugwenyufu nga bawa abaana kondomu n’empeke eziziyiza okuzaala.

“Omwana ow’emyaka 10 okumuwa kondomu oba empeke ajja kukubuuza nti bino bigasaaki”.

Era onoomuddamu otya? Kuba abeera talina kyategeera era okuzimuwa oba ogenderera ki?

Tulina okunywerera ku mpisa n’obulombolombo byaffe kuba ebintu bijja mpolampola ne byonoona eggwanga lyaffe nga tulaba,” bwe yagambye.

Yasabye Abakristu okukolagana ne bafaaza babawadde okusobola okuzimba omusingi omugumu n’okukulaakulanya ekitundu kino.

Yagambye nti ayagala okulaba ng’omuwendo gw’abakkiriza gweyongera naddala abafuna amasaakalamentu n’okukola emirimi egivaamu ensimbi.

More From The Author

Emboozi z’omuwandiisi endala

Emboozi endala

Whatsappimage20180926at111845 220x290

Paasita abadde akozesa abaana obupakasi...

Paasita abadde akozesa abaana obupakasi e Ntyendo akwatiddwa: Babadde batembeya magi nga buli omu amusasula 2000/-...

Whatsappimage20180926at113101 220x290

Poliisi e Masaka ekkirizza okuwa...

Poliisi e Masaka ekkirizza okuwa obukuumi bannakibiina kya DP abagenda okukuba olukung'aana gaggadde e Masaka ku...

Onduparakaweb 220x290

Wakiso Giants yeewandiisizza mu...

Ttiimu ya Wakiso Giants ekkiriziddwa okukozesa erinnya eryo nga yeetongodde ku Kamuli Park FC.

Bbweb 220x290

Bright Stars eyiiseemu mmotoka...

Bright Stars eweereddwa mmotoka etambuza ttiimu, n'ewaga nga bwegenda okubongera amaanyi agafuna obuwanguzi

Mknmin1 220x290

Minisita Nakiwala ayingidde mu...

Omuwala Julian Ainambabazi (30) eyali akola mu bbaala emu e Mukono n’aganzibwa omubaka wa palamenti owa Samia Bugwe...