TOP

Odinga atadde Kenya ku bunkenke

By Musasi wa Bukedde

Added 11th October 2017

Odinga atadde Kenya ku bunkenke

Jim2 703x422

Uhuru Kenyatta avuganya ne Odinga (ku ddyo).

RAILA Odinga abadde avuganya Uhuru Kenyatta mu kulonda okubadde okw’okuddamu e Kenya avudde mu lwokaano n’ateeka Kenya mu kattu. Buli muntu yeebuuza ekiddako kubanga akalulu kabadde kabuzaayo wiiki bbiri zokka kakubwe, ate nga mu lwokaano balimu babiri bokka ne munne Uhuru Kenyatta.

Akalulu kabadde kaakuddibwamu nga 26 omwezi guno, kyokka okuzira kwa Odinga kuleeseewo ebibuuzo ku kinaabeerawo ku lunaku olwo. Akalulu akaasooka kaakubwa nga August 8, 2017 kyokka Kkooti ey’oku Ntikko ekulirwa Ssaabalamuzi David Maraga ne basazaamu obuwanguzi obwo era ne balagira akalulu kaddibwemu mu nnaku 60 zokka. Odinga yamatiza kkooti ng’alaga obubbi obwali mu kalulu akaasooka naddala mu byuma bikalimagezi ebyakozesebwa mu kugatta obululu era n’amatiza abalamuzi 4 ku 6 ne basalawo kaddibwemu.

Buli muntu e Kenya omutima gumwewanise olw’ekiddirira nga kati olwokaano lw’okukaddamu lusigaddemu Kenyatta yekka kyokka Ssemateeka terina kirambulukufu ky’eyogera ku nsonga eyo.

Odinga eyalangiridde okuva mu lwokaano luno eggulo, yategeezezza nti akizudde ng’akakiiko k’ebyokulonda tekalina nkyukakyuka ze kakoze mu byonna bye yasaba okukagogola n’agamba nti okulonda tekugenda kubeera kwa bwenkanya. Yalagidde abawagizi be okwekalakaasa leero ku LwokusatuRAILA Odinga abadde avuganya Uhuru Kenyatta mu kulonda okubadde okw’okuddamu e Kenya avudde mu lwokaano n’ateeka Kenya mu kattu.

Buli muntu yeebuuza ekiddako kubanga akalulu kabadde kabuzaayo wiiki bbiri zokka kakubwe, ate nga mu lwokaano balimu babiri bokka ne munne Uhuru Kenyatta. Akalulu kabadde kaakuddibwamu nga 26 omwezi guno, kyokka okuzira kwa Odinga kuleeseewo ebibuuzo ku kinaabeerawo ku lunaku olwo.

Akalulu akaasooka kaakubwa nga August 8, 2017 kyokka Kkooti ey’oku Ntikko ekulirwa Ssaabalamuzi David Maraga ne basazaamu obuwanguzi obwo era ne balagira akalulu kaddibwemu mu nnaku 60 zokka.

Odinga yamatiza kkooti ng’alaga obubbi obwali mu kalulu akaasooka naddala mu byuma bikalimagezi ebyakozesebwa mu kugatta obululu era n’amatiza abalamuzi 4 ku 6 ne basalawo kaddibwemu. Buli muntu e Kenya omutima gumwewanise olw’ekiddirira nga kati olwokaano lw’okukaddamu lusigaddemu Kenyatta yekka kyokka Ssemateeka terina kirambulukufu ky’eyogera ku nsonga eyo.

Odinga eyalangiridde okuva mu lwokaano luno eggulo, yategeezezza nti akizudde ng’akakiiko k’ebyokulonda tekalina nkyukakyuka ze kakoze mu byonna bye yasaba okukagogola n’agamba nti okulonda tekugenda kubeera kwa bwenkanya. Yalagidde abawagizi be okwekalakaasa leero ku Lwokusatu nga bayimba ekintu kimu nti; “Bwe watabeera nkyukakyuka mu kakiiko ka byakulonda, okulonda tekuddibwamu”. Kenyatta yasinga Odinga obululu 1,400,000.

Ku lw’obulungi bw’ensi yonna, obw’amawanga agatuliraanye n’obulungi bwa Bannakenya bannange, nsazeewo okuva mu lwokaano luno olutali lwa mazima okutuusa ng’akakiiko keetereezezza. Yagasseeko nti okuvaamu kwe ayagala kuwe akakiiko obudde keetereeze kyokka tekimanyiddwa oba nga kagenda kubukozesa okwetereeza oba kagenda kulangirira Kenyatta oba kagenda kwongezaayo okulonda oba okutegeka okulonda okupya nga kayita abantu abalala abaagala okuvuganya. Odinga n’abamuwagira baagala akakiiko kasattululwe era ssentebe waako Wafula Chebukati ne banne bagobwe, ebifo biweebwe abantu abalala.

Oludda lwa Odinga lubadde lwemulugunya ne ku ffujjo era ennaku bbiri emabega, emmotoka yatomedde abawagizi baabwe abaabadde bayisa ebivvulu kyokka eyabadde agivuga bwe yagivuddemu n’akuba amasasi mu bbanga era n’adda mu baserikale ba poliisi n’abulira omwo.

Omwezi oguwedde, omuwaabi wa Gavumenti ya Kenya, Keriako Tobiko yasaba poliisi n’ebitongole ebirwanyisa enguzi, okunoonyereza oba waaliwo emivuyo omuli n’egyokukwata mu bululu mu kulonda okwasooka. Yagamba nti waliwo abakungu okuva mu kibiina ekiwakanya Gavumenti abaatigiinya kompyuta z’akakiiko k’ebyokulonda.

More From The Author

Emboozi z’omuwandiisi endala

Emboozi endala

Gaba 220x290

BUKEDDE W’OLWOKUNA ALEESE GANO...

Museveni afulumizza pulaani kakongoliro ku byokwerinda era n’alangirira nti eby’okutemula Kaweesi y’abyekwatiddemu....

Goba1 220x290

'Abasika mukomye okwezza ebintu...

Paasita Luciano Ronald Kivumbi owa Real Liberty Church, Luteete awadde amagezi abasika okukomya okweza ebintu...

Pala3 220x290

Muloope Abapoliisi abeenyigira...

PULEZIDENTI Museveni agambye nti obumu ku bumenyi bw’amateeka obugenda maaso mu ggwanga bwenyigiddwamu n’abamu...

Bika 220x290

UCU erwanira Women's Cup

UCU Lady Cardinals erina omukisa okuzza ku nsimbi ze yasaasaanya okukansa bassita ba ttiimu y’eggwanga abasatu,...

Twala 220x290

Eng'onge eri ku Ngabo

BAZZUKULU ba Nakigoye Abekinyomo, baakamudde aba Kisoro (Abehhonge), entuuyo mu mpaka z'emipiira gy’Ebika by'Abaganda...