TOP

Bayungudde abaserikale 1,650 okukuuma ebigezo

By Herbert Musoke

Added 14th October 2017

EKITONGOLE kya UNEB kisindise abaserikale n’abalondoola ebigezo by’omwaka guno 1,650 okwetooloola eggwanga lyonna okukakasa nga tewali n’omu yeenyigira mu kubba bigezo ebyatandise eggulo ku Lwokutaano.

Exams 703x422

Abayizi nga bakola ebigezo

Bya HERBERT MUSOKE
EKITONGOLE kya UNEB kisindise abaserikale n’abalondoola ebigezo by’omwaka guno 1,650 okwetooloola eggwanga lyonna okukakasa nga tewali n’omu yeenyigira mu kubba bigezo ebyatandise eggulo ku Lwokutaano.


Dan Nokrach Odongo, omuwandiisi wa UNEB agamba nti baakwataganye ne poliisi n’ebawa abaserikale abagenda okubeera mu yunifoomu ne leeya okulondoola ebifo byonna omukolerwa ebigezo obutabeerawo bubbi bwonna.


“Tulabula abazadde, abayizi, abakulu b’amasomero n’abasomesa obuteetantala kubba bigezo kuba tulina abaserikale abamala okuketta n’okukwata omuntu yenna aneenyigira mu kubba ebigezo. Nga bulijjo omuntu yenna anaakwatibwa mu kubba ebigezo tujja kumusazaamu”, Odongo bw’agamba.


Ebigezo bya O-Level (S4), byatandise ku Lwokutaano nga October, 13 n’okubuulirira abayizi ku masomero gonna olwo ku Mmande nga October, 16 batandike okutuuka nga November, 20.

 an dongo akulira Dan Odongo akulira UNEB

 


“Abakulu b’amasomero temulina kulekera basomesa mulimu gwa kubuulirira bayizi kuba babeetaaga. Mu ngeri y’emu n’abazadde abasobola mwandibadde mwenyigira mu kubuulirira abayizi bammwe kuba waliwo ensobi ze bakola olw’obutababuulirira bulungi”, Odongo bw’agamba.


Abayizi 326,149 be bagenda okukola ebigezi bya UCE, nga ku bano 165,397 balenzi ate 160,752 bawala. Abayizi 151,894 bava mu masomero ga gavumenti (USE) ate 174,255 bavudde mu masomero ga bwannannyini. Bonna bavudde mu masomero 3,568 ate ng’abayizi ku mitendera gyonna okuli P7, S4 ne S6 bali 1,073,715 omwaka guno.


ACP Godfrey Maate akola n’ekitongole kya UNEB agamba nti, poliisi ekwatagana bulungi n’ekitongole ky’ebigezo era nga bagenda kukuuma ebigezo okuviira ddala ku kitebe kya UNEB okutuuka mu bifo we bikolerwa n’okuzza empapula z’abayizi ze bawandiiseeko.


“Tugenda kukakasa nga tewabeera kubba kwa bigezo kwonna era tulabula abazadde, abasomesa n’abayizi okwewala abafere abagenda okutandika okubategeeza nga bwe balina empapula z’ebigezo ate nga balimba ekigenda okubafiiriza”, ACP Maate bw’agamba.


Era agumizza amasomero mu masoso g’omu byalo omuli n’ebizinga nti, bagenda kuwaayo ebikozesebwa bya poliisi omuli mmotoka, pikipiki n’ennyonyi (namunkanga) za poliisi okuyamba mu kutambuza empapula z’ebigezo okubituusa mu bifo ebiyinza okukaluba okutuukamu.


Odongo atangaazizza ku bibadde bitambuzibwa nti UNEB yakyuusa obubonero kw’egabira makisi ng’okugaba D1 omuyizi alina kufuna 90 ku 100 ate afunye wansi wa 50 ku 100 abeera agudde n’agamba nti UNEB egenda kusigala ng’ekozesa enkola enkadde gy’ebadde egoberera.

More From The Author

Emboozi z’omuwandiisi endala

Emboozi endala

Wano 220x290

Centenary bank etadde ssente mu...

Aba Centenary bank beegasse ku Bukedde famire mu nteekateeka yaabwe ey’okuddiza ku basomi ba Bukedde, abalabi ba...

Ye 220x290

Omusajja ow'ebbuba asazeesaze mukazi...

OMUSAJJA alumbye mukyala we ku bugenyi gw’alinamu abaana bana, n’amusala obulago n’amutta ng’amulumiriza obwenzi....

Funsa 220x290

Eyali Bishop. w'e Moroto afudde...

EYALIKO Omusumba w’e Moroto Bp. Henry Apaloryamam Ssentongo 83, afudde.

Fdc21a700517 220x290

Kkooti egobye omusango gwa Besigye...

KKOOTI etaputa Ssemateeka ewadde Dr. Kiiza Besigye amagezi okugenda mu kkooti ezize oba eri omulamuzi eyamulayiza...

Gavana w’e Nairobi ayiwaayiwa ssente...

GAVANA w’ekibuga Nairobi e Kenya, Mike Sonko 44, ayiwaayiwa ssente n’okukozesa ebintu ebiriko zaabu gamumyukidde...