TOP
  • Home
  • Diaspora
  • Aba NRM ababeera ebweru badduukiridde eyalumiddwa embwa

Aba NRM ababeera ebweru badduukiridde eyalumiddwa embwa

By Musasi wa Bukedde

Added 18th October 2017

ABAWAGIZI ba NRM ababeera ebweru wa Uganda abakulemberwa Mw. Patrick Asiimwe badduukiridde abaana ababiri abalumiddwa embwa e Masaka n’ensimbi akakadde kamu zibayambe mu kujanjabibwa.

Kwata 703x422

Rose Birungi owokubiri ku (kkono) ne Godius Twesigye ku (wakati) aba NRM okuva ebweru nga bawaayo ssente akakadde akalamba okudduukirira abaana abaalumwa embwa e Masaka.

Obuyambi buno, bwetikkiddwa abakungu babiri ab’ettabi ly’ekibiina kino okuva ebweru okwabadde Muky. Rose Birungi ne Mw. Godius Twesigye nga baazikwasizza bazadde b’abaana bano mu ddwaaliro e Masaka gye bakyajjanjabirwa.

Kino kiddiridde amawulire agaafulumidde mu Bukedde wiiki ewedde agaalaze engeri embwa zino gye zaalumye abaana babiri e Mpugwe mu ggombolola y’e Mukungwe - Masaka  nga bakuba omulanga eri abazirakisa okubadduukirira olw’okubulwa ssente z’obujjanjabi.               

Omwogezi w’ekiseera ow’ekibiina kino ebweru wa Uganda, Moses Kimuli mu bubaka bwe asaasidde abaana abaalumiddwa embwa n’agamba nti obuyambi babuwaddeyo olw’okulumirwa abaana bano n’okulaba nga bajjanjabibwa basobole okutereera.

 ose irungi ku ddyo ne  odius wesigye ku kkono aba  okuva ebweru nga bawaayo ssente akakadde akalamba okudduukirira abaana abaalumwa embwa e asaka Rose Birungi ku (ddyo) ne Godius Twesigye ku (kkono) aba NRM okuva ebweru nga bawaayo ssente akakadde akalamba okudduukirira abaana abaalumwa embwa e Masaka.

Yagambye nti okuva lwe baafuna okwegatta wansi w’obukulembeze bwa Mw. Asiimwe, basobodde okuwagira ebintu bingi mu Uganda era baakugenda mu maaso n’omutima gw'obumu.

Mw. Kimuli era  yazzeemu okujjukiza bannakibiina ababeera ebweru wa Uganda ng’enteekateeka z’okulonda obukulembeze obuggya bwe zengedde nga zaakubaawo mu February 2018 n’asaba abatanneewandiisa okukikola ng’obudde tebunnabayitako.

Yagasseeko nti mukama we Mw. Asiimwe akyagenda mu maaso n’okulambula amawanga ag’enjawulo ng’agenda akunga Bannayuganda abaliyo okwegatta ku NRM era ng’azzaako Misiri (Egypt) oluvannyuma lw’okuva e Turkey.

More From The Author

Emboozi z’omuwandiisi endala

Emboozi endala

Det22 220x290

Ssemaka ow'emyaka 56 atudde senior...

Ssemaka ow'emyaka 56 atudde senior 6 ne mutabani ne basibagana mu bubonero.

Nom1 220x290

Poliisi ennyonnyodde entabula y'ebidduka...

Poliisi ennyonnyodde entabula y'ebidduka ku mukolo gw'okutuuza omulabirizi

Grave1 220x290

Abaffamire ya Nkoyooyo batabuse...

ABA FFAMIRE y’eyali Ssaabalabi­rizi w’ekkanisa ya Uganda, omu­genzi Bp. Livingstone MpalanyiNkoyoyo baguddemu ekikang­abwa...

Sit24 220x290

Abawala babuutikidde abalenzi mu...

Abawala babuutikidde abalenzi mu bya senior 6

Sophia 220x290

Kabakko ayogedde ebya Sheebah ne...

OMUYIMBI Kabakko (akutte akazindaalo) akkakkanyizza emitima gy’abawagizi ba Sheebah Kalungi (mu katono) abangi...