TOP

Oluwaanyi ddagala ku ndwadde z'ensusu

By Musasi wa Bukedde

Added 19th October 2017

Oluwaanyi ddagala ku ndwadde z'ensusu

Say1 703x422

OLUSUSU okubeera nga lunyirira kyeyagaza kubanga omuntu abeera alabika bulungi. Olususu luyinza okufuukuuka olwendwadde ez'enjawulo oba ng'obuzibu buva ku ngoye z'oyambala oba ekitundu mw'oli oba ng'olina kyolidde omubiri kye gutayagala. Oluusi tekiba kyangu kujjanjaba ndwadde zino naddala ku bantu abagayaavu eri emibiri gyabwe.

Matia Mulumba omutuuze w'e Mwera Busujju yagambye nti omuti oguyitibwa omulamula abamu gwe bamanyi ng'oluwaanyi tegukoma ku kulamula bibanja byokka naye ddagala lya maanyi ku kulongoosa endwadde z'ensusu.

Ssinga oba olwadde namusuna weekwate oluwaanyi okuwona amangu. Okwejjanjaba sima emirandira gy'oluwaanyi ogirongoose bulungi oluvannyuma giteeke mu sefuliya ofumbe okumala ebbanga.

Bw'obiggya ku muliro linda biwolemu okenenulemu amazzi oganaabe. Mu nnaku ntono ebitulututtu ebikubye ku mubiri bitandika okukala. Oba oyinza okusima emirandira n'ogirongoosa oluvannyuma n'ogyanika. Bwe gikala gisekule ofunemu ensaano gy'otabula mu bizigo.

Ebizigo mwotadde eddagala bw'obisiiga omulwadde wa namusuna awona mangu. Eddagala lye limu liwonya endwadde z'ensusu nga olusolo, likaza n'ensundo n'okulwanyisa embalabe.

Oluwaanyi era lukola bulungi mu kyogero ky'omwana ate abantu abakulu balweyambisa mu kyogo wabula onoga ebikoola n'obiyengera mu ddagala eddala eribeera mu kyogo

More From The Author

Emboozi z’omuwandiisi endala

Emboozi endala

Nsamba22pulaaniusewebuse 220x290

Mukuume obumu musobole okwekulaakulanya...

Ab'ekika ky'Engabi beetaaga obukadde 13o okuzimba ekiggwa kyabwe

Omwala2webuse 220x290

Ab'e Kansanga beeraliikirivu olw'omwala...

Abatuuze e Kansanga mu Makindye beeraliikirivu olw'omwala ogwasalamu ekkubo gwe bagamba nti gwandigwaamu abaana...

Babaka1 220x290

Sipiika tuyambe naffe baagala kututta...

ABABAKA ba Palamenti musanvu baddukidde ewa Sipiika nga balaajana nti waliwo ababalondoola abaagala okubatta nga...

Kasasiro11webuse 220x290

Ab’obuyinza batadde amateeka amakakali...

Kasasiro mu kibuga Mukono yeeraliikirizza abakulembeze n'abatuuze ne basaba Gavumenti ebayambe

Besigye1 220x290

Poliisi e Jinja ezzeemu okulemesa...

POLIISI e Jinja ezzeemu okukwata eyaliko pulezidenti w’ekibiina kya FD, Dr. Kizza Besigye n’emuggalira ku poliisi...