TOP

Museveni alabudde abajaasi be ku kibba ttaka

By Muwanga Kakooza

Added 20th October 2017

Museveni alabudde abajaasi be ku kibba ttaka

Sev2 703x422

Pulezidenti Museveni

PULEZIDENTI Museveni alabudde bannamagye okukomya ebikolwa by’okubba ettaka ly’abantu n’agamba nti gw’anaakwatako engalo kajja kumujjuutuka.

‘’Mundoopere abamagye bonna abeenyigidde mu kibba ttaka.Gwe naakwatako engalo ajja kusibira mu kkomera. Sifunanga  lipooti n’emu mu buwandiike kuva wa mubaka wa palamenti yenna , ssentebe wa LC3 Oba LC5 ku banamagye babba ttaka. Bwe babaayo mubandoopere mbalage enkola’’ Pulezidenti Museveni nga ye muduumizi w’amagye ow’okuntikko bwe yagambye.

Yabadde ayogerera ku leediyo ya Mega FM e Gulu ku kawayiro k’okukyusa Konsityusoni okuwa gavumenti obuyinza okukozesa ettaka ly’omuntu okukola ebikulakulanya egwanga nannyini lyo ne bw’aba tamatidde na ssente zimuwereddwa.

Yannyonnyodde nti wagenda kubaawo obukiiko obutawulula enkayana z’amattaka nga bannyini lyo bwe baba tebamatidde na nsimbi zibaweereddwa baddembe okwemulugunya babongere ssente endala kasita kizuulibwa ng’okwemulugunya kwabwe kulimu eggumba. Kyokka nga kino tekisaanidde kuzing’amya mirimu gya gavumenti.

Yanenyezza leediyo za FM olw’okusaasanya obulimba okuva mu bannabyabufuzi ab’oludda oluvuganya nti gavumenti etegeka kubba ttaka lyabwe ng’eyita mu kawaayiro kano ekitali kituufu.

N’agamba nti Uganda yali mu mbeera mbi ne banne ne beeyambisa ebiseera by’obuvubuka bwabwe okugirwanirira edde engulu n’ategeeza nti bwe wabaawo abaagala okuddamu okuginyikka ye tajja kubaguminkiriza.

Yagambye nti Konsityusoni z’amawanga ageetolodde Uganda gawa gavumenti obwanannyini ku ttaka kyokka mu Uganda ettaka ly’abantu nga gavumenti bw’eba erina ky’eyagala okukolerako ng’okuyisaako enguudo, amasanyalaze, amazzi n’ebirala erina okubaliyirira era kino tekigenda kuvaawo.

Yategeezezza nti NRM bwe yajja mu buyinza ettaka yazzaawo obwanannyini bw’ettaka kyokka n’ebagaana okumala gagobaganya basenze.Yagambye nti akawayiro akaletebwa tekagenderera kufunira ba yinvesita ttaka wabula ka ttaka lya kuyamba gavumenti kuyissaako 

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...