TOP
  • Home
  • Amawulire
  • Abakadde 45 beekubidde enduulu mu kakiiko akalwanirira obwenkanya

Abakadde 45 beekubidde enduulu mu kakiiko akalwanirira obwenkanya

By Joseph Mutebi

Added 23rd October 2017

Abakadde 45 beekubidde enduulu mu kakiiko akalwanirira obwenkanya

Nub1 703x422

EKIBINJA ky'abakadde 45,  abakiikiridde bannaabwe  okuva mu disitulikiti za Uganda ez’enjawulo baddukidde ku kakiiko akalwanirira obwenkanya aka “Equal Opportunity Commission” ne bawaawabira abakulira abakozi ku disitukikiti ez’enjawulo nga bwebabba ssente zaabwe nga baabateekako obukwakulizo obutali mu mateeka.

“Toyinza kukikkiriza nti  mu disitulikiti zaffe ezimu  abakulira abakozi tebakyagobeerera mateeka pulezdidenti Museveni mweyasinzira okutuwa ssente 25,000/-  buli mwezi eri buli muntu awezezza emyaka 65” Bwatyo Charles Matumbwe bwategeezezza.

Matumbwe ne banne  okwogera bino  babadde beesitudde ng’ekibinja ky’abakadde 45 okuva mu disitulikiti za Uganda ez’enjawulo nga baagala bafune obwenkanya okuba ba COA abakulira emirimu mu disitulikiti omu Kaliro, Namutumba, Kayunga, Mityana , Kyotera  n’enddala bagamba nti abasinga tebakyabawa ssente zino.

 

Mu kkooti ya kakiiko kano ekuliddwa ssentebe waako Sylvia Nantambi Muwebwa  abakadde bategeezezza nti ba COA ne basajja baabwe babawandiika amanya ne bagatwala ne bagyayo ssente zaabwe bwe batuuka okugaba nga bagamba nti balina kuwa bawezezza myaka 80 ng’ate etteeka  ligamba nti afuna ssente zino atandikira ku myaka 65 okugyako abo bokka abakadde abava mu disitulikiti y’e Kalamojja pulezidenti beyalagira batandikire ku myaka 60 olw’embeera embi gye bayitamu.

James Batumba mbeera Mityana wabula ssente ffe twazivaako dda,  ewaffe bawaako abo bokka abatono be bamanyi enddala ne bazeeriira ng’ate  ogenda okuwulira nti abamu ku bannamwe baafunye ssente bwe muli mu myaka egimu ate gwe ne bakubuuka ng’ate otekeddwa okufuna.

Kerewofansi Namatovu  okuva e Rakai. Abasajja baffe abamu baafa abalala abakyala baabwe nabo baafa wabula bamulekwa abatuufu abalina okuganyulwa mu ssente za gavumenti abafiirwa bakitaabwe tebafuna baziwa balala.

Ssentebe wa kakiiko kano Nantambi agambye nti ensonga za bakadde baziwulidde era batandikiddewo okuzinoonyerezaako balyoke bayite bekikwatako baddemu akaana n'akataano.

 

More From The Author

Emboozi z’omuwandiisi endala

Emboozi endala

760c92ca9f694295837ec90b52ac134f 220x290

Ssekiboobo aziikiddwa mu kitiibwa...

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa...

A84388d55eaa4efa9fcc00052969dc53 220x290

Omuyimbi Grace Ssekamatte alwanaganye...

Omuyimbi Grace Ssekamatte omu ku ba dayirekita ba Golden band asiibuddwa okuva mu ddwaaliro gy’amaze wiiki nnamba...

Cor 220x290

Beerumirizza okusaddaaka owabbooda...

OMUTUUZE eyasaddaakiddwa ne bamusuula mu kinnya okumpi n’ekyuma ky’omugagga Ephraim Bbosa, akwasizza abantu bana...

Tra 220x290

Eddagala lya ARV’S lisobola okulwanyisa...

OLWALEERO tewali ddagala ttuufu lyazuuliddwa okuba nga lijjanjaba obulwadde bwa COVID 19 .

Tabu 220x290

Ziizino endwadde endala ezirina...

ABANTU 44 baakakasiddwa mu Uganda nga balina ssennyiga omukambwe (coronavirus) era bajjanjabwa nga n’abalala bateekeddwa...