TOP

Museveni asuubizza okusonyiwa bayinvesita Abawarabu omusolo

By Muwanga Kakooza

Added 2nd November 2017

PULEZIDENTI Museveni asisinkanye banaggagga Abawarabu n’abazungu n’abaperereza okujja mu Uganda okutandikawo emirimu ng’agamba nti gavumenti ejja kubasonyiwa emisolo kuba bagenda kuyamba mu kutondawo emirimu.

Kagu 703x422

Museveni ng'ayogera eri banaggagga mu kibuga Dubai

Museveni yabadde ayogera eri abasuubuzi abazze mu lukung’ana lw’ensi yonna olukwata ku by’obusuubuzi mu Africa olwa ‘’4th Global Business Forum on Africa’ oluyindira mu kibuga Dubai , okusinziira ku mawulire agafulumiziddwa amaka g’obwa Pulezidenti.

Olukung’aana luyindira Dubai mu UAE .

Tulina abantu abasoba mu bukadde 40 abasobola okugula ebyamaguzi byammwe era n’akatale kasobola okugaziwa ne kazingiramu amawanga ag’omulirwano,’’ Museveni bwe yagambye abasuubuzi ku Ritz Hotel mu kibuga Dubai.

Museveni yagambye nti Uganda erimu emirembe, enguudo, amasannyalaze, enguudo z’eggaali y’omukka  byonna ebisobola okuyamba okultandikawo amakolero.

Yagambye nti abasuubuzi bajja kuweebwa embeera ebasobozesa okukola emirimu omuli n’okusonyiyibwa omusolo.

‘’Nze bayinvesita saagala kubatikka misolo. Kasita mukozesa ebintu byaffe ng’ebyobulimi, obulunzi n’ebirala mu makolero gammwe ne mutuwa n’emirimu n’okuyamba eggwanga okufuna bye litunda ebweru nga mumaze,’’ Museveni bwe yagambye.

Museveni yawerekeddwako Minisita w’ebyamasanyalaze Irene Muloni, ow’ebyobulambuzi Ephrahim Kamuntu, ow’okusikiriza bannamakolero okutandika wano emirimu Evelyne Anite ne ambasada Nimishi Madvani.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...