TOP
  • Home
  • Ageggwanga
  • Abavubuka mutondeewo emirimu mw'ebyo bye musomeredde - Mayiga

Abavubuka mutondeewo emirimu mw'ebyo bye musomeredde - Mayiga

By Dickson Kulumba

Added 14th November 2017

KATIKKIRO Charles Peter Mayiga akubirizza abavubuka okubeera n’obumalirivu okutandika emirimu egiva mw'ebyo bye basomerera kubanga okutya okutandika nga balinda emirimu egiwedde kyongedde ebbula ly’emirimu n’obwavu.

Waga 703x422

Katikkiro Mayiga ng'ayozaayoza abayizi b'enju ya Kimera mu ssomero lya MUMSA High School e Mityana nga bano yabakwasizza engabo olw'okusinga enju endala okugula satifikeeti za Buganda. Addiridde Katikkiro ye Richard Ssebulime- Omuyima w'enju ya Kimera. Omukolo gwabadde Bulange- Mmengo nga November 9,2017.

Bino yabyogedde asisinkanye abayizi b’essomero lya MUMSA High School e Mityana nga bano baabadde n'okuvuganya mu 'nju' zaabwe mu baawakanidde ku nnyumba ki esinga okugula satifikeeti za Buganda.

Abayizi b'enju ya Kimera be baalidde empanga nga bano baaguze satifikeeti za mitwalo 80 kw'ezo 1,125,000/- ezaaguliddwa awamu.

“Ssabasajja Kabaka yasinzira ku ssomero lyammwe lyenyinni mu 2012 n'alagira abavubuka okutandika emirimu nga gisinzira kw'ebyo bye basomeredde. N’olwekyo kirungi abavubuka obutatya kutandika kintu era abaddukanya essomero lino mbasaba mukuume emunyeenye yaalyo ng’eyaka ng’akabonero k’abantu abamaliruvu okutandika ekintu awatali kutya kuba tubeenyumirizaamu,” Mayiga bwe yagambye.

Enju ya Kimera yasinze Jjunju, Kintu ne Bemba era bano Katikkiro yakwasizza omuyima waayo Richard Ssebulime n’omuyizi agikulira Malon Mulondo, engabo ne beeyama okwongera okuyigiriza abayizi omwoyo gw’okutoola, okutereka n’okwagala obuwangwa bwabwe.

Minisita omubeezi owa Gavumenti ez’ebitundu e Mmengo, Joseph Kawuki ne banne okuli Ssentongo ne Mawejje baatandika MUMSA High School nga baakamaliriza emisomo gyabwe mu 2002 wakati mu kusoomoozebwa era Kawuki yategeezezza nti bafuba okutendeka abayizi baabwe ebyo bye basuubira kwe balitambuliza obulamu bwabwe nga tebasudde bya buwangwa.

Omukolo guno gwetabiddwako omuwanika w’oukiiko olufuga essomero lino, Charles Byekwaso Ssali era abayizi bazze n’enkota y’ettooke n’enkoko ne babitonera Katikkiro.

More From The Author

Emboozi z’omuwandiisi endala

Emboozi endala

Seb2 220x290

Museveni asiimye Bannaddiini aboogera...

Museveni asiimye Bannaddiini aboogera ku birungi bya NRM

Whatsappimage20181214at173512 220x290

SC Villa etimpudde Express FC n'ennyogoza...

SC Villa etimpudde Express FC n'ennyogoza abawagizi baayo mu kisaawe e Namboole omupiira gye guyindidde!

Mosesmakoyaniowakibogakuddyongattunkaneambrosenaturindaowantinda 220x290

Kiboga ewaga mu Big League

TTIIMU ya Kiboga FC eyaakesogga Big League eremedde ku Proline FC okugisuuza entikko y’ekibinja kya Rwenzori ekitaddewo...

Hib1 220x290

Omulamuzi atabukidde abakakiiko...

Omulamuzi atabukidde abakakiiko k'ebyettaka e Lwengo

Reb2 220x290

Maneja w’ebbaala ya Casablanca...

Maneja w’ebbaala ya Casablanca asindikiddwa ku limanda