TOP
  • Home
  • Amawulire
  • Chameleon bimwonoonekedde! Bamutwala mu kkooti lwa kulya ssente obukadde 225 n’agaana okuyimba

Chameleon bimwonoonekedde! Bamutwala mu kkooti lwa kulya ssente obukadde 225 n’agaana okuyimba

By Musasi wa Bukedde

Added 1st December 2017

Zaina Namuwonge owa Sezana Promotions Munnayuganda abeera e South Afrika yatabukidde Chameleone ayagala amuliyirire obukadde 225 ze yamufiiriza bwe yamusasula okugenda okuyimba e South Africa kyokka n’atagenda.

Laba 703x422

Chameleon ne Zaina abanja obukadde 225

Zaina ng’ayita mu bannamateeka be aba Lukwago & Co. Advocates, awadde Chameleone ennaku ttaano okuva ku lunaku lw’anaafunirako ebbaluwa gye bamuwandiikidde asasuliremu ssente zonna ezamusaasaanyizibwako n’amagoba n’eza balooya, bw’alemererwa omusango bagwongereyo mu kkooti.

Nathan Mpenge omu ku balooya ba kkampuni eno yagambye nti mu October wa 2015, Zaina yakola endagaano ne Chameleone okuyimba ku bivvulu bye yali ategese mu bibuga by’e South Afrika okuli; Durban, East London, Pretoria ne Cape Town kyokka teyalabikako.

Agattako nti, oluvannyuma Chameleone yamusaba addemu amutegekere mu 2016 kubanga mu kusooka pasipooti ye baali bagibbye.

Yakikola kyokka era ne ku mulundi guno, Chameleone teyalabikako! Yannyonnyodde nti olugendo lwa Chameleone Zaina yalusaasaanyizaako obukadde 53 okuli obukadde 15 (ekitundu) ze yamuwaako ku ssente ze yalina okuyimbira, tikiti z’ennyonyi ssatu okuva mu Uganda okugenda e South Afrika ne tikiti endala ez’okubatambuza mu bibuga gye yalina okuyimba, okusasula ebifo we yalina okuyimbira, okulanga ebivvulu n’awookusula.

Ayongerako nti ng’oggyeeko abantu okwonoona ebintu by’omu bifo ebisanyukirwamu olwa Chameleone gwe baali basasulidde obutalabikako, embeera eno yaviirako Zaina okukubwa puleesa n’amala wiiki nnamba ku kitanda era ng’okufiirizibwa kuno kubaliriddwaamu obukadde 150.

Zaina era ayagala Chameleone asasule amagoba ga 12,79,7771/- ne ssente za bannamateeka obukadde 10.

SSENTE BAZIPAAZIZZA

Oluvannyuma lw’okugezaako okufuna Chameleone ne kitasoboka, twayogedde ne Robert Nkuke amanyiddwa nga Mutima omu ku bayambi ba Chameleone. Mu kiseera ekyo Zaina mw’agambira okuweera Chameleone ensimbi, Mutima ye yali maneja wa Chameleone.

Wadde Nkuke yakkirizza ekya Zaina okusasula Chameleone ssente ku bivvulu by’e South Afrika, agamba nti amanyiiko obukadde 13 ate ku ky’obutayimba agamba nti tekyali kigenderere Chameleone obutagenda South Afrika kuba pasipooti kwe yalina okutambulira baagimubbako.

 aina ayagala hameleon amusasule obukadde 225 Zaina ayagala Chameleon amusasule obukadde 225

“Ebbanga Chameleone ly’amaze ng’akolagana ne Zaina yali asobola kumulyazaamaanya oba okugaana mu bugenderevu okuyimba wabula twafuna obuzibu bwa pasipooti era Zaina twamutegeeza.

Mmusaba ensonga azikwate mpola tulabe eky’okukola,” Mutima bwe yagambye. Yeewuunyizza okulaba nga ssente ezaali obukadde 13 ate zipaaziddwa ne zituuka mu bukadde obusukka 200.

 kuke Nkuke

 

Ku ky’ebbaaluwa ya bannamateeka, Nkuke yategeezezza nga bwe yabadde tennabatuukako.

Abamu ku bali mu nkambi ya Chameleone baategeezezza nti omuyimbi ono yagenze South Afrika era ekimu ku bimututte kwe kutereeza ensonga za Zaina n’okuyimba mu bivvulu ebyategekeddwa.

OMUYIMBI Jose Chameleone (Joseph Mayanja) bimwonoonekedde! Bamutwala mu kkooti lwa kulya ssente n’agaana okuyimba. Zaina Namuwonge owa Sezana Promotions Munnayuganda abeera e South Afrika yatabukidde Chameleone ayagala amuliyirire obukadde 225 ze yamufiiriza bwe yamusasula okugenda okuyimba e South Africa kyokka n’atagenda. Zaina ng’ayita mu bannamateeka be aba Lukwago & Co. Advocates, awadde Chameleone ennaku ttaano okuva ku lunaku lw’anaafunirako ebbaluwa gye bamuwandiikidde asasuliremu ssente zonna ezamusaasaanyizibwako n’amagoba n’eza balooya, bw’alemererwa omusango bagwongereyo mu kkooti. Nathan Mpenge omu ku balooya ba kkampuni eno yagambye nti mu October wa 2015, Zaina yakola endagaano ne Chameleone okuyimba ku bivvulu bye yali ategese mu bibuga by’e South Afrika okuli; Durban, East London, Pretoria ne Cape Town kyokka teyalabikako. Agattako nti, oluvannyuma Chameleone yamusaba addemu amutegekere mu 2016 kubanga mu kusooka pasipooti ye baali bagibbye. Yakikola kyokka era ne ku mulundi guno, Chameleone teyalabikako! Yannyonnyodde nti olugendo lwa Chameleone Zaina yalusaasaanyizaako obukadde 53 okuli obukadde 15 (ekitundu) ze yamuwaako ku ssente ze yalina okuyimbira, tikiti z’ennyonyi ssatu okuva mu Uganda okugenda e South Afrika ne tikiti endala ez’okubatambuza mu bibuga gye yalina okuyimba, okusasula ebifo we yalina okuyimbira, okulanga ebivvulu n’awookusula. Ayongerako nti ng’oggyeeko abantu okwonoona ebintu by’omu bifo ebisanyukirwamu olwa Chameleone gwe baali basasulidde obutalabikako, embeera eno yaviirako Zaina okukubwa puleesa n’amala wiiki nnamba ku kitanda era ng’okufiirizibwa kuno kubaliriddwaamu obukadde 150. Zaina era ayagala Chameleone asasule amagoba ga 12,79,7771/- ne ssente za bannamateeka obukadde 10. SSENTE BAZIPAAZIZZA Oluvannyuma lw’okugezaako okufuna Chameleone ne kitasoboka, twayogedde ne Robert Nkuke amanyiddwa nga Mutima omu ku bayambi ba Chameleone. Mu kiseera ekyo Zaina mw’agambira okuweera Chameleone ensimbi, Mutima ye yali maneja wa Chameleone. Wadde Nkuke yakkirizza ekya Zaina okusasula Chameleone ssente ku bivvulu by’e South Afrika, agamba nti amanyiiko obukadde 13 ate ku ky’obutayimba agamba nti tekyali kigenderere Chameleone obutagenda South Afrika kuba pasipooti kwe yalina okutambulira baagimubbako. “Ebanga Chameleone ly’amaze ng’akolagana ne Zaina yali asobola kumulyazaamaanya oba okugaana mu bugenderevu okuyimba wabula twafuna obuzibu bwa pasipooti era Zaina twamutegeeza. Mmusaba ensonga azikwate mpola tulabe eky’okukola,” Mutima bwe yagambye. Yeewuunyizza okulaba nga ssente ezaali obukadde 13 ate zipaaziddwa ne zituuka mu bukadde obusukka 200. Ku ky’ebbaaluwa ya bannamateeka, Nkuke yategeezezza nga bwe yabadde tennabatuukako. Abamu ku bali mu nkambi ya Chameleone baategeezezza nti omuyimbi ono yagenze South Afrika era ekimu ku bimututte kwe kutereeza ensonga za Zaina n’okuyimba mu bivvulu ebyategekeddwa.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...