TOP
  • Home
  • Amawulire
  • Abantu 1,000 abeesenza ku ttaka ly'ekibira e Ssembabule bagobeddwa

Abantu 1,000 abeesenza ku ttaka ly'ekibira e Ssembabule bagobeddwa

By Musasi wa Bukedde

Added 1st December 2017

Abatuuze abasoba mu 1,000 mu ggombolola y’e Ntuusi ne Lwemiyaga mu disitulikiti y’e Ssembabule basattira oluvannyuma lwa Gavumenti okubalaalika nga bw’egenda okubagoba ku ttaka ly’ebibira kwe beesenza Kigambibwa nti mu myaka 20, egiyise abantu beesenza ku ttaka ly’ekibira nga waliwo n’abaafuna ebyapa.

Bapa 703x422

Abatuuze aboogera n’abaserikale abaabasisinkanye ku ttaka kwe babagoba.

BYA MARIA NAKYEYUNE

Disitulikiti y’e Ssembabule ng’ekulembeddwa omubaka wa Pulezidenti, Henry Baguma bamaze ebbanga nga basisinkana abali ku ttaka lino nga babalabula okulivaako kyokka ne bagaana.

Kigambibwa nti bannabyabufuzi be babadde babagumya nga bwe batayinza kubagoba ku ttaka lino ng’abamu bazimbyeko amayumba ag’ebbeeyi n’amaduuka mu kabuga k’e Lumegere.

Ku ttaka lino kuliko amayumba g’abatuuze agawerako okuli n’amaka galikwoleka aga munnamagye eyawummula Lt. Tom Asiimwe, ffaamu n’ennimiiro.

Ku Lwokubiri lwa wiiki eno, abakungu okuva mu kitongole ky’ebibira nga bali ne Baguma baagenze mu kifo kino n’ebiwandiiko ebigoba aabaliku ttaka lino.

Stephen Bagonza nga y’akwasisa amateeka mu kitongole kino yabawadde ennaku 21 nga bavudde ku ttaka lino n’abalabula nti anaajeemera ekiragiro kino bagenda kumutwala mu kkooti avunaanibwe okusaanyawo ebibira.

Abatuuze abamu baatadde emikono ku kiwandiiko ekibagoba ku ttaka kyokka abalala ne bagaana nga bagamba nti baagala babaweeyo akaseera basobole okuggyako ebintu byabwe. Kyokka abamu bakulaba ng’okubanyigiriza.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...