TOP
  • Home
  • Amawulire
  • Mugisha Muntu ayanukudde abamuyita ''mbega wa Museveni''

Mugisha Muntu ayanukudde abamuyita ''mbega wa Museveni''

By Muwanga Kakooza

Added 4th December 2017

GEN. Mugisha Muntu ayanukudde abamuyita mbega wa Pulezidenti Museveni mu FDC n’agamba nti mu kibiina kino (FDC) temuli bya kubegamu.

Mugi1 703x422

Mugisha ng’alina bye yeewuunaganya n’eyali minisita w’e Mmengo Ssewava Sserubiri.

Muntu era awabudde abaagala okuleeta Bobi Wine ku Bwapulezidenti nti oba gwe baagala basaanidde bamuteeketeeka.

‘’Akole ekibiina ekikye oba ayingire kino (FDC) mumuteerewo n’emirandira,’’ Muntu bwe yawabudde.

Yabadde ayogera ku leediyo ya FM emu mu Kampala n’agamba:

‘’ Eby’abampita mbega wa NRM sibifaako. Mu FDC temuli kyakubega. Temuli mmundu. Teri ayagala kulwana. Singa ndi mbega nadibadde nnafuya ekibiina naye sikikoze’’ bwe yagambye ng’asinziira ku leediyo ya FM emu mu Kampala, n'ayongerako nti tayinza kudda mu NRM wadde mu nsiko.

Yagambye nti  ayagala bammemba b’ekibiina batuule bateese ku bimwogerwako nti ‘’mbega wa NRM’.

Yategeezezza nti ekibiina kyetaaga kituule kirabe ekiddako okusalawo oba nkola ya kuguguba gye balaba y’eneebayamba okutwala obuyinza oba nkola ya buntu bulamu ey’okusooka okutereeza ekibiina ye nga Muntu  gy’alowoolezaamu, n’agamba nti ayagala asomesebwe engeri enkola y’okuguguba oba okwekalakaasa gy’eneebayamba okutwala obuyinza.

Yavumiridde eby’obufuzi by’okuvumagana wakati w’abeesimbyewo n’agamba nti tebirina gye bitwala ggwanga mu maaso n’alabula  abakyeyambisa nti nabo bwe banaatuuka mu buyinza y’enkola y’emu ejja okubasuula.

 

More From The Author

Emboozi z’omuwandiisi endala

Emboozi endala

Jamwa1 220x290

Chandi Jamwa ajulidde mu kkooti...

EYALI akulira NSSF, David Chandi Jamwa, eyazzeemu okusibwa emyaka 12 olw’okufiiriza gavumeti ssente, ajulidde ng'awakkanya...

Dttio7w4aajczb 220x290

Desabre azudde abazannyi abaamukubya...

WADDE nga mu kusooka yagaanyi okunokolayo omuzannyi ssekinnoomu gw’anenya okuviirako ttiimu okuvuya mu mupiira...

Alexgitta2 220x290

Omutendesi Gitta bamukalize emipiira...

AKAKIIKO akwasisa empisa mu FUFA kakalize omutendesi Alex Gitta ku ttiimu ya Masavu FC okumala emipiira ena nga...

Aaaabig703422 220x290

Tito Okello ne Nsibambi bagobeddwa...

OMUTENDESI wa kiraabu ya KCCA FC Mike Mutebi acwanye n’agoba abasambi babiri ababadde batandika ku ttiimu esooka...

Dtudjxexkaa9kqw 220x290

Abatikkiddwa mwewale enguzi - Polof....

YUNIVASITE y’e Makerere eggulo yatandise okutikkira abayizi, omumyuka wa Cansala Polof. Barnabas Nawangwe n’akuutira...