TOP

Gav't esabye bannansi okuyimiriza akeediimo

By Muwanga Kakooza

Added 4th December 2017

GAVUMENTI esabye abasawo abazaalisa ne bannansi obutagenda mu maaso na keediimo ng’egamba nti ensonga zaabwe ez’okubongeza omusaala zikolwako.

Aceng703422 703x422

Minisita Ruth Aceng

GAVUMENTI esabye abasawo abazaalisa ne bannansi obutagenda mu maaso na keediimo ng’egamba nti ensonga zaabwe ez’okubongeza omusaala zikolwako.

Minisita w’ebyobulamu Dr. Ruth Aceng ategeezezza nti abasawo basanidde baleme kwediima kuba ensonga zaabwe zikolwako.

Bino biddiridde ekibiina ekigatta abasawo bannansi n’abazaalisa ekya ‘’The Uganda Nurses and Midwives Union (UNMU)’’ okufulumya ekiwandiiko nga bagamba nti bagenda kutandika akeediimo enkya ku Lwokubiri singa omusaala gwabwe tegwongezebwa kutuuka ku bukadde bubiri n’ekitundu ne bongerwa n’ensako.

Omuwandiisi w’ekibiina ky’abasawo kino, Paul Bukenya yategeezezza nti mu bbaluwa nti singa ensonga zaabwe tezikolwako ekiddako kwediima, n'alangirira nti batandika nkya ku Lwokubiri December 5.

Aceng yagambye abaamawulire nti Minisitule y’ensonga z’abakozi ba gavumenti ne Palamenti bikola ku nsonga zaabwe bakkakkane.

‘’Tusaba bannansi n’abazaalisa basigale ku mirimu nga bulijjo ng’ensonga zaabwe bwe zikolwako,’’ Aceng bwe yagambye.

Sipiika wa Palamenti, Rebecca Kadaga yategeezezza gye buvudeko nti Palamenti egenda kubuuliriza ku kwemulugunya kw’abasawo.

Badokita nabo bakyayimirizzaamu ku kediimo kaabwe okutuusa nga December 15.  

More From The Author

Emboozi z’omuwandiisi endala

Emboozi endala

Gab1 220x290

Omwana agambibwa okubuzibwawo ku...

Omwana agambibwa okubuzibwawo ku lwomukaaga atadde bazadde be ku bunkenke

Man2 220x290

Ebireetera omusajja okusuulawo...

Ebireetera omusajja okusuulawo omukazi gw’afunyisizza olubuto

Deb1 220x290

Ebivaako ‘kaseti’ okugaaya‘tteepu’...

Ebivaako ‘kaseti’ okugaaya‘tteepu’ n’egiremeramu

Web2 220x290

Enkuba egoyezza ekkanisa e Lwengo...

Enkuba egoyezza ekkanisa e Lwengo

Reb1 220x290

Aba Bbanka enkulu bannyonnyodde...

Aba Bbanka enkulu bannyonnyodde lwaki ebimu ku biwandiiko bya Bbanka ezaatundibwa tebabirina