TOP
  • Home
  • Amawulire
  • Leero mu mboozi z'omukenkufu; Tukuleetedde emigaso gy'ensogasoga n'engeri gy'oyinza okuzikolamu ensimbi

Leero mu mboozi z'omukenkufu; Tukuleetedde emigaso gy'ensogasoga n'engeri gy'oyinza okuzikolamu ensimbi

By Musasi wa Bukedde

Added 6th December 2017

Leero mumboozi z'omukenkufu; Tukuleetedde emigaso gy'ensogasoga n'engeri gy'oyinza okuzikolamu ensimbi

Bio1 703x422

Emboozi z’omukenkufu Julius Nyanzi owa Prof Bioresearch

EBBANGA lyonna bajjajjaffe baalina obutamanya ku nsogasoga ne balemwa okuzifunamu emiganyulo egy’enjawulo.

Mu Uganda ensogasoga zisibuka mu Busoga, ensigo zaazo zimanyiddwa okuliibwa amayuba. Wano ne baggyawo n’enjogera egamba nti, ‘Alima ensogasoga teyeewala mayuba’.

Amayuba googerwako okutaambuza ensigo okuva e Busoga ne zituuka mu Buganda okwo gattako okuziteeka mu Kiyira nga kirowoozebwa nti mwe zaayita okutuuka e Misiri.

Bwe zaatuuka eno, baakizuula nti osobola okuzikozesa ng’omumuli, era baaziteekangako ppamba okukola emimuli, kuba abamu baasulanga mu mpuku nga bagikozesa okufuna ekitangaala okugoba ebisolo. Naye bajjajjaffe baazitya nga bagamba zitta.

Ensigo z’ensogasoga sooka ozisiikeko okufuna omuganyuloo.

Kino kituufu, kuba mulimu ekirungo kya ‘Ricin’ ekiri mu kikuta kyayo. Osobola okuggyamu ekirungo kino kasita ozisiika, nga bw’olaba soya nti aba waabulabe nga tomusiiseeko, kyokka bw’omusiikako aba talina mutawaana.

Ensigo ssinga ozisiikako, zisobola okuvaamu butto ayamba ku lususu, bangi mugula ‘Caster oil’ ne mulowooza nti linnya, wabula oyo bamukamula mu nsigo za nsogasoga, ssinga okozesa butto ono ku lususu terukosebwa musana.

Wano osobola okumakamula n’omukolamu ssente, ng’oguza abantu abeetaaga woyiro olw’emigaso gye.

Ku bakyala abakutuka enviiri, n’osaasaanya ssente mu saluuni n’okugula ebizigo ebimeza enviiri, ate nno bya buseere. Ezo ogenda kuziteeka mu bizinensi, anti butto w’ensogasoga bw’onoomusiiga mu mutwe togenda kuddamu kukutuka nviiri, kye kimu ne ku muntu alina situka.

 Ensogasoga ezitaddeko ebimuli. Naawe osobola okuzisimba n’ofunamu.

Ate bwe kituuka ku mulimi, butto w’ensogasoga miiru 20 bw’oziteeka mu liita 20 ez’amazzi n’ofuuyira mu kyeya, ebizigo bino biyambako ebirime obutakosebwa nnyo musana, naye kino tekitegeeza nti tolina kufukirira.

Kyokka empunya yaayo egoba ebiwuka mu nnimiro kati bw’ofuuyira okuziyiza omusana ate ofunamu n’okugoba ebiwuka, omuli n’obusaanyi.

Eyambako ku bakyala okuzibukula enseke ne ku bizimba, ate abaagala okweyoza mu lubuto nammwe ebakolera kyokka omukyala ali olubuto ggwe ate togikozesa kuba esobola okuluggyamu.  Ku muntu ali mu bizinensi y’okusiiga enjala, butto w’ensogasoga wandibadde omwekwata anti ayamba okugumya enjala.

Abakyala engeri gye baagala enjala zaabwe, mu kubasiiga wandibadde oteekako butto zijja kuguma bulungi zireme okukutuka ekijja okukwongera bizinensi.

Ensogasoga era ziyambako ku mugaba, abakyala ab’embuto bafuna mugaba n’abasajja abamu abanene nabo bamufuna, ssinga omukozesa akuyamba n’amalako mugaba.

Wiiki ejja hhenda kwongera okukulambululira emigaso emirala egy’ensogasoga olabe ne bw’ekuyamba ku mmotoka yo, okukola eddagala ly’engatto, okufumba n’okukugobako endwadde. Asangibwa ku Equatorial Mall edduuka nnamba 152 mu Kampala. Mufune ku 0702061652 / 0779519652.

More From The Author

Emboozi z’omuwandiisi endala

Emboozi endala

Mknmin1 220x290

Minisita Nakiwala ayingidde mu...

Omuwala Julian Ainambabazi (30) eyali akola mu bbaala emu e Mukono n’aganzibwa omubaka wa palamenti owa Samia Bugwe...

Chelseacahill 220x290

Cahill akooye bbenci

Aston Villa, y'emu ku ttiimu ezaagala okugula Cahill kyokka eno ya Championship nga ye ayagala kuzannyira mu Premier....

Loodi 220x290

Bano babeera wa nga Lukwago bamusika...

LOODIMEEYA Erias Lukwago y’omu ku bannabyabufuzi abazze bafuna okusoomoozebwa n’okutulugunyizibwa abaserikale....

United 220x290

Ebizibu bye ndabidde mu laavu mbikubye...

NZE Justine Nalweyiso 24, mbeera Kyebando Nsooba ndi muyimbi nga nnaakayimba ennyimba okuli Bbebi Ndunya, Ndaba...

Newsengalogob 220x290

Njagala ayimba oluyimba lw'eggwanga...

NKOZE ntya mukazi wange asobole okuyimba oluyimba lw’eggwanga ng’aleekaana? LWAKI oyagala aleekaane? Abasajja abamu...