TOP
  • Home
  • Amawulire
  • Museveni awagidde okuggya ekkomo ku myaka gya Pulezidenti

Museveni awagidde okuggya ekkomo ku myaka gya Pulezidenti

By Musasi wa Bukedde

Added 7th December 2017

Museveni awagidde okuggya ekkomo ku myaka gya Pulezidenti

Kim1 703x422

Pulezidenti Museveni

PULEZIDENTI Museveni awagidde eky’okuggya ekkomo ku myaka gy’omukulembeze w’eggwanga n’ategeeza nti Bannayuganda balina okulekerwa eddembe beesalirewo ku muntu asaanidde okubakulembera.

Museveni eyasisinkanye ababaka abatuula ku kakiiko k’eby’amateeka ku Lwokubiri e Ntebe, yategeezezza nti okuteeka ekkomo ku kifo ky’obukulembeze kyonna, kiba kimenya ennyingo esooka eya ssemateeka wa 1995 awa abantu obuyinza.

Olw’okuba Bannayuganda be bakuuma Ssemateeka w’eggwanga, balina okulekebwa obuyinza ku ngeri n’omuntu asaanidde okubakulembera nga balonda buli luvannyuma lw’ekiseera ekigere. Museveni yagambye nti talaba buzibu lwaki bagaana omuntu okwesimbawo olw’emyaka, kyokka nga bamukkiriza okwetaba mu kulonda.

Ababaka baabadde bagenze kufuna birowoozo bya Pulezidenti ku ky’okukyusa Ssemateeka w’eggwanga naddala ennyingo ya 102 (b) eruubirira okuggya ekkomo ku myaka gya Pulezidenti.

Ekiteeso kino ekiri mu Palamenti kyaleetebwa Raphael Magyezi, omubaka wa Igara West. Jacob Oboth Oboth (West Budama South), ssentebe w’akakiiko eyakulembedde ababaka ba Palamenti yategeezezza nti kino baakikoze kuba baabadde beetaaga ebirowoozo bya Pulezidenti ng’eyavuganyaako ku ntebe y’omukulembeze era omukulembeze w’ekibiina.

Yagambye nti Pulezidenti ye muntu gwe baasembyeyo okusisinkana nga bakuhhaanya ebirowoozo ku nnongoosereza ez’okussa mu Ssemateeka w’eggwanga. Akakiiko kati kagenda kwemalirira ku kya kuwandiika lipooti eyawamu egenda okwanjulwa mu Palamenti. Ababaka baabuuzizza Pulezidenti ku nsonga ez’enjawulo n’abategeeza nti amawanga mangi agaakula nga Amerika, Russia, Israel, China okutuuka we gali gaakulemberwa abafuzi abaali bakuze mu myaka nga balina n’obumanyirivu.

Yawadde eky’okulabirako kya Churchhill owa Bungereza eyakulembera okutuusa ku myaka 81 ne Beji Caidi Essebsi owa Tunusia eyagikulembera ku myaka 91. Bwe yabuuziddwa oba Gavumenti erina enteekateeka y’okussaawo akakiiko akakuh− haanya ebirowoozo by’abantu ku nnongoosereza zonna awamu, yagambye nti yalagira minisita w’ensonga za Ssemateeka okukikolako.

Yagambye nti Gavumenti yasalawo okuwagira ebbago lya Magyezi kuba baakizuula ng’obudde obwali buweereddwa kkooti okukola ennongoosereza bwali buweddeyo. Museveni yasabye abantu obutatabiikiriza buweereza ku bukulembeze n’agamba nti emirimu gy’abantu abamu ng’abalamuzi gyetaaga obukugu obwenjawulo ate Obwapulezidenti bwanjawulo.

Ku ffujjo eryayolesebwa ababaka b’oludda oluvuganya bwe baalwanira mu Palamenti yagambye nti kiva ku kuba nga tebaalina birowoozo bizimba bye basobola kugamba bantu. Yawakanyizza n’abantu abalina endowooza nti okwesimbawo ng’ali mu buyinza kirina engeri gye kimuyambako n’ategeeza nti si kituufu. Yayogedde ku bantu abalowooza nti wandibadde bazzaawo ekkomo ku bisanja n’agamba nti mu kiseera kino si y’ensonga enkulu ey’okukolako.

Pulezidenti yalaze nti talina buzibu ku kya kwongeza kisanja kya buweereza okuva ku myaka etaano okutuuka ku musanvu. Yagambye nti abakulembeze mu Afrika baba n’ebintu bingi eby’okukolako n’ategeeza nti takirabamu mutawaana.

Ku kigambibwa nti ennongoosereza zireeteddwa kuyamba ye ng’omuntu yakisambazze n’ategeeza nti n’abantu abatannaweza myaka 75 bagenda kuweebwa omukisa okwesimbawo. Ababaka baasuubizza Pulezidenti nga bwe bajja okuteeka ebirowoozo bye mu lipooti gye bagenda okuwandiika.

More From The Author

Emboozi z’omuwandiisi endala

Emboozi endala

Bo1 220x290

Bobi Wine wakuvunaanibwa mu kkooti...

Bobi Wine wakuvunaanibwa mu kkooti y'Amagye

Index 220x290

Ebya Bobi Wine bibi! Agenda kuvunaanibwa...

Ebya Bobi Wine bibi! Agenda kuvunaanibwa kkooti y'amagye lwa kulya mu nsi ye lukwe

39248881101567630827890782826876916504461312n 220x290

Poliisi eraze emmundu bbiri, basitola...

Poliisi eraze emmundu bbiri, basitola n'amakerenda g'eyise enjaga ewa Bobi Wine:'Twabisanze mu wooteri mw'abadde...

Shecranes03 220x290

She Cranes ekubye Malawi mu za...

SHE CRANES ttiimu y’eggwanga ey’okubaka enkya ya leero eyongedde okulaga nga bw'eri emmalirivu okusigaza engule...

Hip1 220x290

Nnansi agenze ku ndagu okutereeza...

Nnansi agenze ku ndagu okutereeza amaka ne bamubba