TOP
  • Home
  • Buganda
  • Abeddira akasimba basonda za kuzimba 'Akasimba Plaza'

Abeddira akasimba basonda za kuzimba 'Akasimba Plaza'

By Musasi wa Bukedde

Added 11th December 2017

Yategeezezza nti ekika kirina enteekateeka y’okuzimba ekizimbe gaggadde ekituumiddwa 'Akasimba Plaza' okukolerwa emirimo gy’obusuubuzi, okuzaawo embuga z’ekika n'enteekateeka endala.

Kasimba 703x422

Omukulu w’ekika Kabazzi David Nampuuma Miti ng'ayogera eri bazzukulu be. ekif: LAWRENCE KIZITO

Bya Lawrence Kizito

OMUKULU w’ekika ky’Akasimba, David Kabazzi Nampuuma Miti asabye bazzukulu be okwenyigira mu nteekateeka zonna ez’enkulaakulana ezitandikibwa mu kika basobole okutuuka ku ntikko.

Kabazzi okwogera bino yasinzidde ku mukolo ogw’okumanyagana ogwategekeddwa ku Country Resort e Kyengera nga 10th/12/2017.

Yategeezezza nti ekika kirina enteekateeka y’okuzimba ekizimbe gaggadde okukolerwa emirimo gy’obusuubuzi, okuzaawo embuga z’ekika n'enteekateeka endala.

Nampuuma yagambye nti enteekateeka zino zonna zikwata ku buli muzzukulu kubanga tewali agenda kubakwatirako era ekika kye kigenda okuganyulwa mu pulojekiti zonna ezikolebwa.

Yalagidde abazzukulu okujjumbiranga emikolo gy’okumanyagana n’okuleetanga abaana baabwe basobole okumanya ebyafaayo by’ekika kyabwe.

Waalondeddwawo akakiiko akaatumiddwa 'Akasimba Twezimbe' nga kakulemberwa Christine Birabwa Nsubuga nga kano ke kagenda okunoonya ensimbi z’okuzimba ‘Akasimba Plaza’, n’okukulemberamu emirimo egy’enkulakulana emirala.

Waasondeddwaawo 1,425,000/- mu mpeke n’endala 13,490,000/- ezeetemeddwa abazzukulu ng’ettoffaali ku ntandikwa ya pulojekiti eno.

Omukulu w’ekika ky’Engo, Muteesaasira Keeya Tendo Namuyimba yavumiridde eky’abantu ennaku zino naddala abavubuka okweggyako amannya g’ekika ne batuuka n’okufumbiriganwa nga tebamanyi nti baaluganda.

Yakubirizza abazzukulu okukola ennyo basobole okwegobako obwavu mu maka gaabwe n'okuyamba ekika.

More From The Author

Emboozi z’omuwandiisi endala

Emboozi endala

Anita 220x290

Bebe Cool aleese amaanyi: Atuusizza...

OMUYIMBI Bebe Cool aleese amaanyi!, Nga yaakamala okutuusa kapyata ekika kya Land Cruiser V.* ZX Model 2019 gy’agamba...

Annotation20190719080947 220x290

Bukedde TV Livestream: Ekyenkya...

Bukedde TV Livestream: Ekyenkya

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...